باغی ٹی وی کی رپورٹ کے مطابق سابق صدر آصف زرداری اور سابق وزیر اعظم بے نظیر بھٹوشہید کی بڑی صاحبزادی بختاور بھٹو زرداری آج 25جنوری بروزپیر کو35 برس کی ہو گئی ہیں
بختاور زرداری کی 35 ویں سالگرہ کے موقع پر پارٹی رہنما و کارکنان بختاور کو مبارکباد دے رہے ہیں، سماجی رابطے کی ویب سائٹ ایکس پر پیپلز پارٹی کے اکاؤنٹ سے جاری پیغام میں کہا گیا ہے کہ پاکستان پیپلز پارٹی بی بی بختاور بھٹو زرداری کو 35 ویں سالگرہ کے موقع پر مبارکباد پیش کرتی ہے۔بلاول بھٹو کی سالگرہ کی مناسبت سے پاکستان کے ٹوئٹر ٹرینڈ پینل پر ’ہیپی برتھ ڈے بی بی زیڈ‘ سرفہرست ٹرینڈز میں موجود ہے۔اس ٹرینڈ کا استعمال کرتے ہوئے صارفین، پیپلز پارٹی کے ارکان، اور بلال بھٹو کے مداح انہیں سالگرہ کی مبارکباد دے رہے ہیں اور ساتھ ہی بینظیر کی یاد بھی تازہ کر رہے ہیں۔بختاور کی سالگرہ کے موقع پر سوشل میڈیا پر بھی ان کے چاہنے والوں نے انہیں خوب سراہا اور نیک تمناؤں کے پیغامات بھیجے۔ ان کے فالوئرز نے ٹوئٹر، انسٹاگرام اور دیگر پلیٹ فارمز پر خصوصی پوسٹس شیئر کیں جن میں بختاور کو سالگرہ کی مبارکباد دی گئی۔سالگرہ کی اس خوشی کے موقع پر بختاور زرداری نے اپنے چاہنے والوں کا شکریہ ادا کیا اور امید ظاہر کی کہ وہ مزید اچھے کاموں کے ذریعے اپنے والدین کا نام روشن کریں گی۔
بختاور زرداری ذوالفقارعلی بھٹو اور نصرت بھٹو کی نواسی ہیں۔بختاور زرداری کے دادا حاکم علی زرداری ولد حسین زرداری اور دادی کا نام زرین آراء زرداری تھا.چھوٹی بہن آصفہ اور بھائی بلاول زرداری ھے۔بختاور زرداری نے انگریزی ادب میں ایم اے اور گریجویشن ایڈن برگ یونی ورسٹی سے پاس کیا۔بختاور زرداری سوشل میڈیا پر اپنی سیاسی اور دلچسپ سرگرمیوں کی وجہ سے خاصی متحرک ہیں،انھوں نے اپنی باکسنگ کی ٹریننگ حاصل کی ہے ، بختاور زرداری سوشل میڈیا پر دبئی کی ایک عمارت سے چھلانگ لگانے کی ویڈیو بھی شیئر کرچکی ہیں۔بختاور زرداری نے متحدہ عرب امارات میں ہونے والے ڈیزرٹ وارئیر چیلنج ایونٹ میں حصہ لیا۔ یہ ایونٹ اپریل 2017 میں منعقد کیا گیا تھا۔ ایونٹ میں بختاور زرداری نے دوڑ، جمپنگ، کلائمبنگ اور کرولنگ کرتے ہوئے فائنل لائن عبور کی
بختاور بھٹو زرداری 27 نومبر 2020 کو دبئی کے بزنس مین محمود چوہدری سے شادی کی بندھن میں بندھ گئی تھیں اور ایک سال بعد 10 اکتوبر 2021 کو اپنے پہلے بیٹے میر حاکم محمود چوہدری کا استقبال کیا۔بختاور بھٹو اور محمود کے ہاں 5 اکتوبر 2022 کو دوسرے بیٹے کی ولادت ہوئی جس کا نام میر سجاول محمود چوہدری رکھا گیا۔ بختاور کے تیسرے بیٹے کی پیدائش 20 اکتوبر 2024 کو ہوئی تھی.
