سانگھڑ میں جعلی عامل کے کہنے پر بکرے کا خون پینے والا 25 سالہ نوجوان انتقال کرگیا۔
پولیس کے مطابق سانگھڑ کے گاؤں مانک تھیم میں جعلی عامل کی جانب سے نوجوان کو بکرے کا خون پلانے کا واقعہ پیش آیا مانک تھیم کے رہائشی نوجوان عاشق علی ولد علی گل تھیم کی طبعیت خراب ہونے پر اس کے گھر والے دعا کے لئے ٹنڈوآدم کے قریب درگاہ ہاشم شاہ کے گدی نشین پیر شاہ کے پاس لے گئے، جو خود کو بھوپا بھی کہلاتا ہےبھوپے پیر نے کہا کہ نوجوان عاشق علی پر جن ہے اور جن خون پیے گا، فوری بکرا لے آؤ ۔
دبئی میں اہم سیاسی ملاقاتیں جاری، نواز شریف سےاستحکام پاکستان پارٹی کے رہنماؤں کےبھی رابطے
بھوپے پیر نے بکرا کٹوا کر اس کا خون نوجوان عاشق علی کو پلا دیابکرے کا خون پینے کے بعد نوجوان کی طبیعت بگڑ گئی اور اس نے تڑپ تڑپ کر جان دے دی فوت ہونے والے عاشق علی تھیم کے ورثا نے بھوپے پیر پر نوجوان کے قتل کا الزام عائد کیا ورثا نے تعلقہ تھانے سے میڈیکل لیٹر لے کر لاش کا تعلقہ اسپتال سے پوسٹ مارٹم کروایا۔
چمن :17 قیدیوں کے فرار ہونے کے بعد جیل عملے کی تبدیلی کے بعد نیا …
فوت ہونے والے نوجوان عاشق علی تھیم کے بھائی اکرم علی تھیم نے میڈیا کو بتایا کہ اس کے بھائی کو بھوپے پیر اور اس کے سہولتکاروں روشن تھیم اور سلطان تھیم نے قتل کیا ہے بھوپے پیر نے میرے بھائی پر جن نکالنے کے بہانے تشدد کیا اور اسے بکرے کا خون پلایا جس سے میرا بھائی تڑپ تڑپ کر فوت ہوگیا مقتول کے بھائی نے اعلیٰ افسران سے فراڈی بھوپے پیر کے خلاف کارروائی کا مطالبہ کیا ہے۔
