میرپورخاص:بلدیہ موبائل مارکیٹ میں کئی دنوں سے گٹروں کاپانی جمع ،شہری مشکلات کا شکار

میرپورخاص،باغی ٹی وی( نامہ نگار سید شاہزیب شاہ کی رپورٹ )بلدیہ موبائل مارکیٹ میں کئی دنوں سے گٹروں کاپانی جمع ،شہری مشکلات کا شکار
تفصیل کے مطابق میرپورخاص کی سب سے بڑی مارکیٹ بلدیہ موبائل مارکیٹ جو گٹر کے گندے پانی سے بھری پڑی ہےجبکہ بلدیہ موبائل مارکیٹ کے اوپر میئر ،ڈپٹی میئر کا آفس بھی موجود ہے جب میئر اورڈپٹی میئر کے آفس نیچے کا یہ حال ہے تو پھر میرپورخاص شہر کا تو اللہ ہی حافظ ہوگا

میرپورخاص موبائل مارکیٹ میں یہ پانی کئی روز سے جمع ہے اور دکانداروں کا کاروبار مکمل طور پر مفلوج ہوگیا ہے، میئر اورڈپٹی میئر نمبر بنانے کے چکر میں لگے ہوئے ہیں شہر کی کوئی پرواہ نہیں

بلدیہ مارکیٹ کے دکانداروں کا کہنا ہے کہ ڈپٹی کمشنر ڈاکٹر رشید مسعود نوٹس لیں، میرپورخاص شہر کو کھنڈر بنادیا گیا ہے ۔