کراچی: بلدیہ عظمیٰ کراچی کے نئے ایڈمنسٹریٹر ڈاکٹر سیف الرحمٰن نے ہفتہ وار تعطیلات میں بھی کام کرنے کے احکامات جاری کردئیے۔
باغی ٹی وی : نئے ایڈمینسٹریٹر کے جاری کردہ احکامات کے مطابق کے ایم سی اینٹی انکروچمنٹ کے تمام فیلڈ آفسز ہفتہ اور اتوار کو بھی کھلے رہیں گے، سینئر ڈائریکٹر اینٹی انکروچمنٹ کے ایم سی نے اس ضمن میں سرکلر بھی جاری کر دیا جس کے مطابق محکمہ کے تمام ڈائریکٹرز، ڈپٹی ڈائریکٹرز اور فیلڈ اسٹاف ہفتے اور اتوار کو بھی اپنے آفس میں موجود ہوں گے۔
قومی کرکٹر سدرہ امین آئی سی سی ویمن پلئیر آف دی منتھ قرار
دوسری جانب تعطیل کے روز کام کرنے کے احکامات پر افسران اور ملازمین کی جانب سے شدید تحفظات کا اظہار کیا جا رہا ہے۔
افسران و ملازمین کا کہنا ہے کہ ایڈ منسٹریٹر تعطیل کے دن کام کرانے کا اختیار نہیں رکھتے، چھٹی کے روز ملازمین سے زبردستی کام کرانا غیرقانونی ہے، اسی لیے ایڈمنسٹریٹر کراچی کا یہ اقدام ملازمین کے حقوق کی پامالی ہے، ایسے احکامات کو کے ایم سی کے تمام ملازمین مسترد کرتے ہیں-
دفتر محتسب پنجاب کی ہدایت پر مختلف علاقوں میں سرکاری اراضی ناجائز قابضین سے واگزار
افسران کا کہنا ہے کہ موجودہ ایڈمنسٹریٹر اس پہلے بھی کے ایم سی کے مختلف عہدوں پر تعینات رہے چکے، ایڈمنسٹریٹر کی کارکردگی سے پورا ادارہ واقف ہے، وہ پہلے خود کچھ کرکے دیکھائیں پھر دیگر ملازمین کیلئے احکامات جاری کریں۔