بلدیاتی الیکشن، ق لیگ کا اجلاس، چودھری برادارن کا بڑا اعلان
باغی ٹی وی کی رپورٹ کے مطابق سابق وزیراعظم چودھری شجاعت حسین اور سپیکر پنجاب اسمبلی چودھری پرویزالٰہی کی زیرصدارت پارٹی کا تنظیمی اجلاس ہوا،
اجلاس میں سابق وفاقی وزیر چودھری وجاہت حسین، ساجد احمد خان بھٹی ایم پی اے شریک ہیں تنظیمی اجلاس میں موسیٰ الٰہی، صباحت الٰہی، خالد اصغر گھرال کی بھی شرکت ہوئی ہے
ڈاکٹر زین علی بھٹی، چودھری سعید احمد کدوانہ سینئر نائب صدر اور عاطف عظمت جنرل سیکرٹری گجرات بھی اجلاس میں موجود ہیں ،چودھری شجاعت حسین اور چودھری پرویزالٰہی نے ضلع گجرات، منڈی بہاؤالدین اور گوجرانوالہ کے رہنماؤں کو بلدیاتی الیکشن اور پارٹی کی تنظیم سازی کے حوالے سے احکامات اور خصوصی ہدایات جاری کیں
سابق وزیراعظم چودھری شجاعت حسین نے کہا ہے کہ پاکستان مسلم لیگ عوام کی ترجمان جماعت ہے چودھری شجاعت حسین کا کہنا تھا کہ ہر فورم پر عوامی مسائل کو اجاگر کرنا ہماری ذمہ داری ہے ،مہنگائی، بیروزگاری کے خاتمے اور عوام کو بنیادی سہولتوں کی فراہمی کیلئے اقدامات ناگزیر ہو چکے ہیں آئندہ بلدیاتی الیکشن میں مسلم لیگ پورے پنجاب سے حصہ لے گی
چودھری پرویزالٰہی کا کہنا تھا کہ عوامی خدمت کا جذبہ رکھنے والی شخصیات کو الیکشن لڑنے کا موقع دیا جائے گا
