بلوچستان،ٹرکوں پر فائرنگ،دو ڈرائیور کی موت،تین زخمی

بلوچستان ،ٹرک ڈرائیوروں پر فائرنگ،دو کی موت تین زخمی ہو گئے

واقعہ ہرنائی اور موسی خیل کے علاقوں میں پیش آیا، لیویز حکام کے مطابق ہرنائی میں سنجاوی روڈ طورخم تنگی کے مقام پر نامعلوم مسلح افراد نے چار ٹرکوں پر فائرنگ کی، اس دوران گولیاں لگنے سے ایک ڈرائیور کی موت ہو گئی جبکہ دو زخمی ہو گئے ہیں، ٹرکوں پر فائرنگ کے بعد شرپسند چار ٹرکوں کو آگ لگا کر فرار ہو گئے

دوسرا واقعہ موسیٰ خیل اور بارکھان کے درمیان پیش آیا جہاں شرپسندوں کی فائرنگ سے ٹرک ڈرائیور جاں بحق اور ایک زخمی ہوگیا، جاں بحق اور زخمی ہونے والے ڈرائیوروں کا تعلق دُکی سے ہے، لیویز نے علاقے کی ناکہ بندی کردی ہے، اور سرچ آپریشن شروع کر دیا ہے

بلوچستان کی صوبائی وزارت داخلہ نے ٹرک ڈرائیوروں پر حملہ کے حوالہ سے رپورٹ طلب کر لی ہے.دوسری جانب ہرنائی کی تاجر تنظیموں نے واقعہ کے خلاف احتجاج کی کال دی ہے اور کہا ہے کہ ٹرک ڈرائیوروں کو تحفظ فراہم کیا جائے.