ہایئر ایجوکیشن کمیشن نے بلوچستان کے ہونہار طلبا کیلئے اسکالر شپس کا اعلان کیا ہے۔
ہونہار طلبا کو جامعات میں ایل ایل ایم اور بیرون ملک ایل ایل ایم اور پی ایچ ڈی کی اسکالر شپس دی جائیں گی ، امیدوار کے پاس بلوچستان کا ڈومیسائل اور لوکل سرٹیفکیٹ کا ہونا ضروری ہے،ایل ایل ایم کے لئے عمر کی بالائی حد 30 سال جبکہ پی ایچ ڈی کے لئے 35 سال مقرر کی گئی ہے،امیدواروں کیلئے اہلیت ٹیسٹ میں 50 فیصد نمبر ضروری ہیں، درخواستیں جمع کرانے کی آخری تاریخ 13 جنوری 2026 مقرر کی گئی ہے۔
علاوہ ازیں ایچ ای سی نے ایل ایل بی ڈگری پروگرام میں داخلے کےلئے لا ایڈمیشن ٹیسٹ شیڈول بھی جاری کر دیا ہے جس کے مطابق درخواستیں 29 دسمبر تک جمع کرائی جا سکیں گی جبکہ ٹیسٹ 25 جنوری 2026 کو ہو گا۔
