بلوچستان میں بھی 11 سینیٹرز بلا مقابلہ منتخب ہو گئے

اسلام آباد: پنجاب کے بعد بلوچستان میں بھی 11 سینیٹرز بلا مقابلہ منتخب ہو گئے۔

باغی ٹی وی : بلوچستان سے گیارہ سینیٹرز بلامقابلہ منتخب ہونے والے سینیٹرز میں آزاد امیدوار انوار الحق کاکڑ بھی شامل ہیں، ن لیگ کے سید ناصر اور آغا شاہ زیب، پیپلز پارٹی کے سردار عمر گورگیج، نیشنل پارٹی کے جان بلیدی،عوامی نیشنل پارٹی کے ایمل ولی خان بلا مقابلہ کامیاب قرار پائے۔

ٹیکنو کریٹس کی نشست پر پیپلز پارٹی کے بلال مندو خیل اور جمعیت العلمائے اسلام ف کے مولانا عبد الواسع منتخب ہو گئے، جبکہ خواتین کی نشستوں پرمسلم لیگ ن کی راحت جمالی اور پیپلز پارٹی کی حسنہ بی بی بھی سینیٹر منتخب ہو گئیں۔

محکمہ موسمیات میں اصلاحات کیلئے ورلڈ بینک نے پہلی قسط جاری کر دی

قبل ازیں پنجاب میں بھی سات سینیٹر بلا مقابلہ منتخب ہو ئے ،پنجاب سے سینیٹ الیکشن میں ن لیگ کے 5 اور سنی اتحاد کونسل کے 2 امیدوار بلامقابلہ منتخب ہوئے ہیں، پنجاب کی سات جنرل نشستوں پر بارہ امیدواروں میں مقابلہ ہونا تھا، پانچ نے کاغذات واپس لے لیےجس کے بعد سات جنرل نشستوں پر سات امیدوار ہی میدان میں رہ گئے ، تکنیکی طور پر ساتوں امیدوار بلا مقابلہ کامیاب ہوگئے ہیں-

اسلام آباد ہائیکورٹ ججز کے خط پر چیف جسٹس کی زیر صدارت اجلاس ختم

بلامقابلہ کامیاب ہونے والوں میں سنی اتحاد کونسل کے حامد خان اور زلفی بخاری کامیاب ہو ئے ،وفاقی وزیر داخلہ اور حکومتی اتحاد کے محسن نقوی ،مسلم لیگ ن کے پرویز رشید، ناصر بٹ، احد خان چیمہ، طلال چوہدری بھی سینٹ کی نشست پر بلا مقابلہ کامیاب ہوئے-

کرپشن کے ملزم بھارتی سیاستدان کی نوٹوں پر سوئے ہوئے تصویر وائرل