پی پی قیادت اور ایم پی ایز نے وزیراعلیٰ بلوچستان سرفراز بگٹی پر بھرپور اعتماد کا اظہار کردیا۔
پی پی ذرائع کے مطابق بلوچستان اسمبلی میں ان ہاؤس تبدیلی کی کوششیں ناکام بناتے ہوئے پی پی قیادت اور ایم پی ایز نے وزیراعلیٰ بلوچستان میر سرفراز احمد بگٹی پر بھرپور اعتماد کا اظہار کردیا ہے۔علی حسن زہری بلوچستان میں ان ہاؤس تبدیلی کے لئے سرگرم تھے اور انہوں نے قیادت کو سرفراز بگٹی کے خلاف شکایات لگائیں تھیں۔بلوچستان کے ایم پی ایز نے علی حسن زہری کی شکایات سے اظہار لاتعلقی کرتے ہوئے قیادت کو بلوچستان میں ایڈونچر نہ کرنے کا مشورہ دیا ہے۔پی پی ذرائع نے کہا کہ علی حسن کی شکایات پر بلوچستان ایم پی ایز نے پی پی قیادت سے ملاقات کی اور وزراء سمیت ایم پی ایز نے پارٹی قیادت کو بلوچستان کی صورت حال پر بریفنگ دی۔
ذرائع کا کہنا تھا کہ وزراء اور بلوچستان کے ایم پی ایز نے علی حسن زہری پر شدید تحفظات کا اظہار کرتے ہوئے کہا کہ علی حسن بلوچستان میں پارٹی کی نیک نامی کی وجہ نہیں بن رہے ہیں۔ذرائع نے یہ بھی بتایا کہ دوران ملاقات وزراء اور اراکین اسمبلی نے مشورہ دیا کہ بلوچستان کی سیاست کو سندھ کی طرح ڈیل کرنا نقصان دہ ہوگا۔ذرائع کا مزید کہنا تھا کہ ایم پی ایز نے علی حسن پر مبینہ طور پر دیگر وزارتوں اور اضلاع میں مداخلت کا الزام لگایا جب کہ پی پی قیادت نے ایم پی ایز کو بلوچستان حکومت کو مضبوط کرنے کی ہدایت کی۔واضح رہے کہ علی حسن زہری بلوچستان کے ضلع حب سے رکن اسمبلی منتخب ہیں جب کہ وہ بلوچستان کے وزیر زراعت ہیں۔
متحدہ نے میتوں کو اپنی سیاست کے لئے استعمال کیا ہے،شرجیل میمن
بلوچستان اسمبلی میں ان ہاؤس تبدیلی کی کوششیں ناکام
