میرپورماتھیلو :پولیس چوکی پر ڈاکوؤں کا حملہ، ایک اہلکار شہید ،ایک زخمی اورایک اغوا

میرپورماتھیلو ،باغی ٹی وی (نامہ نگارمشتاق لغاری)پولیس چوکی پر ڈاکوؤں کا حملہ، ایک اہلکار شہید ،ایک زخمی اورایک اغوا،گھوٹکی کے کچے کے علاقہ تھانہ آندل سندرانی کی پولیس چوکی مباک پل پر12سے زائد ڈاکوؤں کا حملہ

تفصیل کے مطابق گھوٹکی کے کچے کے علاقہ تھانہ آندل سندرانی کی پولیس چوکی مبارک پل ، پرایک درجن سے زائد ڈاکوؤں نے حملہ کردیا ، فائرنگ کے نتیجے میں ایک پولیس اہلکار شہید جبکہ ایک اہلکار زخمی ہو گیا، ڈاکو جاتے جاتے ایک پولیس اہلکار اور سرکاری اسلحہ بھی اپنے ساتھ لے گئے۔

پولیس کے مطابق شہید اہلکار صاحب ڈنوکی لاش، اور زخمی اسماعیل شاہ کوگھوٹکی ہسپتال منتقل کیا گیاہے جبکہ مغوی اہلکارکی شناخت عبدالستار سانگی کے نام سے ہوئی ہے۔

گھوٹکی میں ڈاکوؤں کے حملے میں شہید ہونے والے پولیس اہلکار کی نماز جنازہ ادا کردی گئی، شہید اہلکار صاحب ڈنو عباسی کی نماز جنازہ پولیس لائن میرپورماتھیلو میں ادا کی گئی

رینجرز پولیس عملداروں سمیت شہریوں اور سول سوسائٹی کے لوگوں نے نماز جنازہ میں بڑی تعداد میں شرکت کی۔شہید اہلکار کو پولیس کے چاک و چوبند دستے نے سلامی پیش بھی کی۔