مغربی بنگال میں ٹرین حادثہ،15 افراد ہلاک اور درجنوں زخمی

کولکتہ: بھارت کے مغربی بنگال میں مال گاڑی مسافر بردار ریل سے ٹکراگئی، جس کے نتیجے میں 15 افراد ہلاک اور درجنوں زخمی ہوگئے۔

باغی ٹی وی: بھارتی میڈیا کے مطابق پولیس نے بتایا کہ مال بردار ریل نے پیچھے سے ٹکر ماری اور یہ حادثہ ڈرائیور کی غلطی سے پیش آیا، جائے وقوع پر موجود مغربی بنگال کے ضلع درجیلنگ کے سینئرپولیس عہدیدار ابھیشک رائے نے بتایا کہ الٹنے والی بوگی سے 15 لاشیں نکالی جاچکی ہیں،اس حادثے میں 54 افراد زخمی ہوئے ہیں تاہم پولیس اور نیشنل ڈیزاسٹر کا عملہ پٹڑی سے ملبہ ہٹا کر راستہ صاف کرنے کی کوشش کر رہا ہے۔

رپورٹ کے مطابق مال بردار ریل نے کنچن جنگا ایکسپریس کو نشانہ بنایا جو ریاست تریپورہ سے مغربی بنگال کے دارالحکومت کولکتہ جارہی تھی اور ریل سے تین بوگیاں کٹ گئی ہیں فوری طور پر یہ واضح نہیں ہوسکا کہ مسافر ریل میں کتنے افراد موجود تھے۔

محسن نقوی کو پوری طرح پتہ چل چکا ہےکہ ٹیم میں کیا ہوتا رہا ہے،چوہدری …

ریلوے بورڈ کے سربراہ جیا ورما سنہا نے بتایا کہ حادثے میں جاں بحق ہونے والے افراد میں ریل کا ڈرائیور اور مسافر بس میں تعینات گارڈ بھی شامل ہے حادثہ مال گاڑی کے ڈرائیور کی جانب سے سگنل توڑنے کی وجہ سے پیش آیا ہے جبکہ امدادی کام مکمل کرلیا گیا ہے اور حکام ٹریفک بحال کرنے کی کوشش کر رہے ہیں، زخمیوں کی تعداد زیادہ ہے لیکن ابتدائی طور پر خدشہ تھا کہ نقصان زیادہ ہوگا تاہم اتنا زیادہ نقصان نہیں ہوا۔

دوسری جانب بھارتی وزیراعظم نریندر مودی نے ریلوے حادثے میں انسانی جانی ضیاع پر افسوس کا اظہار کیا اور کہا کہ وزیرریلوے ایشوینی ویشنا جائے وقوع کی طرف روانہ ہوگئے ہیں۔

خوش اور سلامت رہیں، نریندر مودی کی مسلمانوں کو عید الاضحیٰ کی مبارکباد دی

واضح رہے کہ ایک سال قبل ہی اوڈیسہ میں بدترین ریل حادثے میں 288 افراد ہلاک ہوگئے تھے جو سگنل کی خرابی کے باعث پیش آیا تھا اور دو دہائیوں میں بدترین ریلوے حادثہ قرار دیا گیا تھا۔