بنگلہ دیش ،جبری گمشدگیوں کی تحقیقات کیلیے کمیشن،جماعت اسلامی پر پابندی ختم

بنگلہ دیش میں حسینہ واجد کے اقتدار کے خاتمے اور ڈاکٹر محمد یونس کی سربراہی میں عبوری حکومت کے قیام کے بعد اہم پیشرفت سامنے آئی ہے، جبری گمشدگیو ں کی تحقیقات کے لئے کمیشن قائم کر دیا گیا ہے تو وہیں جماعت اسلامی سے پابندی ختم کر دی گئی ہے

بنگلہ دیش میں جبری گمشدگیوں کی تحقیقات کے لیے ہائی کورٹ کے ریٹائرڈ جج معین الاسلام چوہدری کی سربراہی میں پانچ رکنی کمیشن بنا دیا گیا،کمیشن سابق وزیراعظم حسینہ واجد کے دور میں انٹیلیجنس ایجنسیوں اور قانون نافذ کرنے والے اداروں کی جانب سے لاپتا کیے گئے افراد سے متعلق تحقیقات کرے گا،کمیشن یکم جنوری 2010 سے 5 اگست 2024 کے درمیان لاپتا افراد سے متعلق تحقیقات کرے گا، انسانی حقوق کی تنظیموں کے مطابق اس عرصے میں 7 سو سے زیادہ افراد جبری طور پر گمشدہ کیے گئے،پانچ رکنی کمیشن 45 دنوں میں اپنی رپورٹ مکمل کر کے عبوری حکومت کو پیش کرے گا،کمیشن بنگلا دیشی بارڈر فورس، ریپڈ ایکشن بٹالین اور دیگر نیم فوجی یونٹوں کی تحقیقات کرے گا۔

دوسری جانب بنگلہ دیش کی عبوری حکومت نے جماعت اسلامی بنگلہ دیش اور اس کے طلبہ ونگ پر لگائی گئی پابندی ختم کردی ہے، اس ضمن میں حکومت کی جانب سے جاری نوٹیفکیشن میں کہا گیا ہے جماعت اسلامی اور اس کی طلبہ تنظیم چھاترو شبر کے خلاف دہشت گردی میں ملوث ہونے کے الزامات ثابت نہیں ہوسکے، جماعت اسلامی اور اس کے اسٹوڈنٹ ونگ پرپابندی کاحکم منسوخ کردیا گیا ہے، جماعت اسلامی پر سے پابندی ہٹانےکا فیصلہ فوری نافذ العمل ہوگا

ہم چاہتے ہیں کہ نفرت کی سیاست کو دفن کر دیا جائے، اسے دوبارہ نہیں اٹھنا چاہیے،امیر جماعت اسلامی بنگلہ دیش
جماعت اسلامی پر سے پابندی ختم ہونے کے بعد بنگلہ دیش جماعت اسلامی کے امیر ڈاکٹر شفیق الرحمان نے بدھ کے روز ڈھاکہ کے ایک ہوٹل میں میڈیا کے نمائندوں سے ملاقات کے دوران بنگلہ دیش میں نفرت اور تقسیم کی سیاست کے خاتمے کا مطالبہ کرتے ہوئے قوم کے درمیان اتحاد پر زور دیا۔بنگلہ دیش جماعت اسلامی کے امیر ڈاکٹر شفیق الرحمان کا کہنا تھا کہ ہم چاہتے ہیں کہ نفرت کی سیاست کو دفن کر دیا جائے، اسے دوبارہ نہیں اٹھنا چاہیے۔ ہم چاہتے ہیں کہ تقسیم کی سیاست کو دفن کر دیا جائے، انہوں نے مختلف پرنٹ اور الیکٹرانک میڈیا کے ایڈیٹرز، چیف ایگزیکٹوز، نیوز ایڈیٹرز اور چیف رپورٹرز سے خطاب کرتے ہوئے کہا۔ڈاکٹر شفیق الرحمان نے اس بات پر زور دیا کہ جماعت کسی بھی معاملے پر قوم کو تقسیم کرنے کی حمایت نہیں کرتی، ان کا کہنا تھا: ’’ہر صورت میں ہم چاہتے ہیں کہ قوم متحد ہو۔‘‘انہوں نے ملک میں ہم آہنگی اور اجتماعی ترقی کی ضرورت کو اجاگر کیا۔

جماعت اسلامی اور اس کے طلبہ ونگ چھاترا شبیر پر یکم اگست کو لگائی گئی حالیہ پابندی کے بارے میں انہوں نے کہا کہ یہ پابندی حکومت مخالف تحریک سے توجہ ہٹانے کی دانستہ کوشش تھی۔ان میں سے کچھ چاہتے تھے کہ اگر ایسا کچھ ہوا تو جماعت اسلامی اپنی پوری طاقت کے ساتھ احتجاج کرے گی، پھر اس کے مرکز میں کچھ اور ہوگا۔ افراتفری پیدا ہو جائے گی، اس طرح کی کارروائیوں کا مقصد ایک مسئلہ کو دوسرے کے ساتھ چھپانے کے لئے ہوسکتا ہے، اس طرح اختلاف رائے کی رفتار میں خلل پڑتا ہے۔جماعت کے سربراہ کا کہنا تھا کہ ان کی جماعت "کسی کے خلاف کوئی ناراضگی نہیں رکھتی” اور "سب کو معاف کر دیا ہے۔”تاہم، انھوں نے اصرار کیا کہ جن لوگوں نے مخصوص جرائم کیے ہیں ان کا احتساب ہونا چاہیے۔بصورت دیگر، معاشرے میں کوئی اصلاح نہیں ہو گی،

پڑوسی ممالک کے کردار کو مخاطب کرتے ہوئے بنگلہ دیش جماعت اسلامی کے امیر ڈاکٹر شفیق الرحمان نے باہمی احترام پر مبنی باوقار تعلقات پر زور دیا اور کہا کہ ہم چاہتے ہیں کہ ہر کوئی باوقار پڑوسی کی طرح زندگی بسر کرے۔ یہ ہمارا موقف ہے، نہ صرف ہندوستان کے لیے بلکہ سب کے لیے،دوست کے طور پر ہماری مدد کریں لیکن ہمیں مجبور کرنے کی کوشش نہ کریں۔ ہمارے لوگوں کو فیصلہ لینے دیں ہم سب سے دوستی اور تعاون چاہتے ہیں۔آزادی صحافت کے حوالے سے، انہوں نے صحافیوں کے لیے آزادانہ اور منصفانہ کام کرنے کے ماحول کو یقینی بنانے کے وعدے کے لیے میڈیا کے مطالبے کو تسلیم کیا۔

حسینہ واجد، بھارت کے لئے درد سر،پناہ دے؟ یا کہیں اور بھیجے،فیصلہ نہ ہو سکا

بھارت حسینہ کو بنگلہ دیش کے حوالے کرے، مرزا فخر الاسلام

حسینہ دہلی میں بیٹھ کر عوامی فتح کو ناکام بنانے کی سازش کر رہی ہے،مرزا فخرالاسلام

حسینہ کی جماعت عوامی لیگ پر پابندی کی درخواست دائر

مچھلی کے تاجر کے قتل پر حسینہ واجدکے خلاف مقدمہ درج

گرفتاری کا خوف،حسینہ کی پارٹی کے رہنما”دودھ کا غسل” کر کے پارٹی چھوڑنے لگے

بنگلہ دیش، ریلوے اسٹیشن پر لوٹ مار،تشدد،100 سے زائد زخمی

ڈاکٹر یونس کی مودی کو فون کال، اقلیتوں کے تحفظ کی یقین دہانی

حسینہ واجد پر قتل کا ایک اور مقدمہ درج

حسینہ واجد کی پسندیدہ بلی 40 ہزار میں فروخت

امریکی دباؤ اور خونریزی کے خوف نے مستعفی ہونے پر مجبور کیا ، شیخ حسینہ واجد کا انکشاف

پاکستان دشمن حسینہ کا بیٹا بھی عمران خان کی طرح” یوٹرن” ماسٹر نکلا