ڈھاکا: بنگلہ دیش کرکٹ بورڈ (BCB) نے زمبابوے کے خلاف پانچ میچوں کی ٹی ٹوئنٹی سیریز کے شیڈول کا اعلان کر دیا-
باغی ٹی وی : سوشل میڈیا پر جاری رپورٹس کے مطابق ٹی ٹوئنٹی میچوں سے بنگلہ دیشی ٹیم کو ورلڈ کپ 2024 سے قبل اپنی صلاحیتوں کو بہتر بنانے میں مدد ملے گی، بنگلہ دیش بھی اسی ماہ کے آخر میں امریکا کے خلاف تین میچوں کی ٹی ٹوئنٹی سیریز کھیلے گا-
سیریز کے پہلے تین میچ چٹاگرام میں کھیلے جائیں گے جبکہ آخری دو ٹی ٹوئنٹی میرپور میں کھیلے جائیں گے بی سی بی اور زمبابوے کرکٹ نے بنگلہ دیش میں اپنی دو میچوں کی دوطرفہ ٹیسٹ سیریز کو منتقل کرنے پر اتفاق کیا، جو اصل میں 2024 سے 2025 تک شیڈول تھی، یہ 2018 کے بعد فریقین کے درمیان پہلی ٹیسٹ سیریز ہوگی، زمبابوے کی ٹیم 28 اپریل کو بنگلہ دیش میں پہنچے گی۔
واضح رہے کہ بنگلہ دیش اس وقت ایک کثیر فارمیٹ کے دورے کے لئے سری لنکا کی میزبانی کر رہا ہے۔
