افغانستان میں بینک پر خودکش حملہ،3 افراد جاں بحق اور 12 زخمی

کابل: افغانستان کے شہر قندھار میں ایک بینک کے نزدیک ہونے والے خودکش بم دھماکے میں 3 افراد جاں بحق اور 12 زخمی ہوگئے۔

باغی ٹی وی : "روئٹرز” کے مطابق مقامی پولیس نے بتایا کہ جمعرات کو افغانستان کے قندھار شہر میں ایک بینک کے سامنے خودکش بم دھماکے میں کم از کم تین افراد ہلاک اور 12 دیگر زخمی ہو گئے۔

قندھار پولیس ڈیپارٹمنٹ نے ایک بیان میں کہا کہ دھماکے میں زیادہ تر وہ شہری مارے گئے جو بینک کے سامنے نقدی نکالنے کے لیے جمع تھے-

"ڈی ڈبلیو ” کے مطابق افغانستان کے صوبے قندھار کے انفارمیشن اینڈ کلچر ڈائریکٹر انعام اللہ سمنگانی نے خود کش بم دھماکے کی تصدیق کرتے ہوئے بتایا کہ نیو کابل بینک کی برانچ کے باہر تنخواہ لینے کے لیے جمع ہونے والے افراد پر حملہ کیا گیا،یہ حملہ مقامی وقت کے مطابق صبح 8 بجے کے قریب نیو کابل بینک برانچ کے باہر ہوا۔

آئرش وزیراعظم کا عہدے سے مستعفیٰ ہونے کا اعلان

انعام اللہ سمنگانی کا مزید کہنا تھا کہ ابتدائی معلومات کے مطابق اس حملے میں خودکش حملہ آور ہلاک 3 شہری جاں بحق ہوگئے جب کہ 12 افراد زخمی ہیں جن میں سے 5 کی حالت نازک ہونے کے سبب ہلاکتوں میں اضافے کا خدشہ ہے۔

اے ایف پی کے ایک صحافی کے مطابق جو جائے وقوع پر موجود تھے کے مطابق طالبان حکام نے بینک کا محاصرہ کرکے صحافیوں کو بھی جائے وقوعہ پر جانے سے روک دیا ہے جب کہ اسپتال انتظامیہ نے میڈیا کو ہلاکتوں اور زخمیوں کی تفصیلات بتانے کی اجازت نہ ہونے پر معذرت کی ہے،تاحال کسی شدت پسند گروپ نے خود کش حملے کی ذمہ داری قبول نہیں کی ہے تاہم، اسلامک اسٹیٹ گروپ نے ماضی میں افغانستان میں ایسے ہی حملوں کا دعویٰ کیا ہے اور یہ ملک کے لیے خطرہ ہے.جبکہ طالبان کے افغانستان میں اقتدار سنبھالنے کے بعد سے ایسے حملوں میں زیادہ تر داعش خراسان ملوث رہی ہے۔

توانائی کےمسائل کےحل کےلیے پائیدار اقدامات کی ضرورت ہے،اسحاق ڈار

کل کی سماعت میں ثابت ہوا کہ سائفر حقیقت ہے اور موجود ہے،رؤف حسن