بنوں، ترخے اوبہ حدود تھانہ احمد زئی میں فتنہ الخوارج اور مقامی شہریوں کے درمیان شدید فائرنگ کا واقعہ پیش آیا۔ واقعہ کی اطلاع ملتے ہی ڈی آئی جی بنوں سجاد خان کی خصوصی ہدایت پر SP Rural
، SDPOs، QRF، RRF، APCs,اور آرمی یونٹ نے فوری طور پر موقع پر پہنچ کر کاروائی کا آغاز کیا۔
طویل فائرنگ کے تبادلے اور مؤثر حکمتِ عملی کے نتیجے میں علاقے میں سرچ آپریشن مکمل کیا گیا، جس کے دوران تین دہشتگرد ہلاک ہو گئے، جن کی لاشیں قانونی کاروائی کے لیے ہسپتال منتقل کر دی گئی ہیں۔آپریشن کے دوران ہاتھی خیل قوم کے بہادر شہریوں نے بنوں پولیس کے شانہ بشانہ کھڑے ہو کر دہشتگردوں کے گرد گھیرا تنگ کرنے میں اہم کردار ادا کیا۔ شدید فائرنگ کے باوجود پولیس نے علاقے کا مکمل کنٹرول سنبھال لیا۔
ڈی آئی جی بنوں سجاد خان نے کہا کہ علاقے کا امن ہر صورت بحال رکھا جائے گا، سیکیورٹی ہائی الرٹ ہے اور دہشتگردوں کے خلاف گھیرا مزید سخت کر دیا گیا ہے۔ڈی پی او بنوں یاسر آفریدی نے کہا کہ عوام متحد ہیں، پولیس اور مقامی لوگ ایک مشترکہ محاذ پر ہیں۔ دہشتگردی کا مکمل خاتمہ یقینی بنایا جائے گا۔
