خیبر پختونخوا کے علاقے بنوں میں دہشت گردوں کے ساتھ فائرنگ کے تبادلے میں تین سی ٹی ڈی اہلکار شہید ہو گئے ہیں.
بنوں میں سپینہ تنگی کے علاقے چشمی میں سی ٹی ڈی اور دہشت گردوں کے درمیان جھڑپ ہوئی جہاں فائرنگ کے تبادلے میں 3 سی ٹی ڈی اہلکار شہید اور 2 زخمی ہوگئے ہیں، ڈی پی او سلیم عباس کلاچی کا کہنا ہے کہ سی ٹی ڈی پولیس کی فائرنگ سے 2 حملہ آور ہلاک اور متعدد زخمی بھی ہوئے ہیں، لاشیں اور زخمی اہلکاروں کو اسپتال منتقل کر دیا گیا ہے،زخمیوں کا علاج جاری ہے،حملہ آور ساتھیوں کی لاشیں اور زخمی اپنے ساتھ لے گئے۔ حملہ آوروں سے اسلحہ، ہینڈ گرینیڈ، آئی ای ڈی اور دیگر سامان برآمد ہوا ہے،پولیس کی بھاری نفری علاقے کا سرچ آپریشن کر رہی ہے،دہشت گردوں کا ہر صورت پیچھا کیا جائے گا،پاکستان کا امن تباہ کرنے والے کسی رعایت کے مستحق نہیں
