بنوں سے 7 پولیس اہلکاروں کو اغوا کرلیا گیا، اہلکاروں کواحمد زئی سب ڈویژن میں پولیس چوکی سےاغواکیا گیا ہے-
باغی ٹی وی : بنوں سب ڈویژن وزیر میں پولیس چیک پوسٹ روچہ پر مسلح افراد نے دن دیھاڑے اچانک دھاوا بول دیا اور 7 پولیس اہلکار اغوا کرکے لے گئے ہیں ۔
پولیس کے مطابق مسلح گروہ نے سب ڈویژن وزیر کے پہاڑی علاقے روچہ چیک پوسٹ کا گھیراؤ کیا اور تمام اسلحہ و سامان بھی ساتھ لے گئے ہیں مغویوں میں سلیم ،عقل رحمان ،میوہ جان ، روشان ، عبدالمالک ،نعمت اللہ اور شادمحمد شامل ہیں ،علاقے میں سرچ آپریشن شروع کر دیا گیا ہے، بنوں روچہ چیک پوسٹ سب ڈویژن کے دور افتادہ علاقے میں واقع ہے ، اغوا ہونے والے اہلکاروں کو جلد بازیاب کرالیا جائے گا۔
