ڈیرہ غازی خان،باغی ٹی وی (سٹی رپورٹر جواد اکبر) ڈسٹرکٹ بار ایسوسی ایشن کے سالانہ انتخابات 11 جنوری 2025 کو منعقد ہوں گے۔ جیسے جیسے یہ دن قریب آ رہا ہے وکلاء برادری میں انتخابی جوش و خروش اور گہما گہمی بڑھتی جا رہی ہے۔ مختلف گروپس اپنے امیدواروں کی حمایت میں متحرک ہیں اور سیاسی فضا گرم ہو چکی ہے۔
ڈسٹرکٹ بار ڈیرہ غازی خان کے ایک مضبوط اور منظم گروپ "بھٹی لائرز” اور ان کے ہم خیال دوستوں نے اکثریت رائے سے امیدوار برائے صدارت عبدالغنی کھوسہ کی حمایت کا اعلان کیا ہے۔ اس اہم فیصلے کا اعلان وکلاء کے ایک اجلاس میں کیا گیا، جہاں معزز وکلاء کی بڑی تعداد موجود تھی۔
اس موقع پر جن وکلاء نے اپنی رائے کا اظہار کیا اور عبدالغنی کھوسہ کی حمایت کی، ان میں ملک رشید احمد بھٹی ایڈووکیٹ، خالد اقبال بھٹی ایڈووکیٹ، میاں نصراللہ بھٹی ایڈووکیٹ، شکیل الحسنین بھٹی ایڈووکیٹ، محمد نعمان بھٹی ایڈووکیٹ، فیاض احمد بھٹی ایڈووکیٹ، اشفاق حسین بھٹی ایڈووکیٹ، محمد حنیف بھٹی ایڈووکیٹ، مظہر حسین بھٹی ایڈووکیٹ، میاں عامر محمود بھٹی ایڈووکیٹ، محمد ریاض بھٹی ایڈووکیٹ، روبینہ ارشاد بھٹی ایڈووکیٹ، سجاد طاہر بھٹی ایڈووکیٹ، ریاض حسین بھٹی ایڈووکیٹ، میاں محمد اکمل بھٹی ایڈووکیٹ، عبدالغنی بھٹی ایڈووکیٹ، جاوید اقبال بھٹی ایڈووکیٹ، خان سرور خان اخونزادہ ایڈووکیٹ، شیج محمد سلیم ایڈووکیٹ اور شرافت حسین ایڈووکیٹ شامل تھے
اجلاس میں موجود وکلاء نے عبدالغنی کھوسہ کی قیادت اور ان کی صلاحیتوں پر مکمل اعتماد کا اظہار کرتے ہوئے کہا کہ وہ بار کی فلاح و بہبود کے لیے بہترین انتخاب ہیں۔ وکلاء نے اس امید کا اظہار کیا کہ ان کی کامیابی سے ڈسٹرکٹ بار کے معاملات میں مثبت تبدیلی آئے گی اور بار کے مسائل کو مؤثر انداز میں حل کیا جائے گا۔
تمام وکلاء نے اس عزم کا اظہار کیا کہ وہ بھرپور اتحاد کے ساتھ عبدالغنی کھوسہ کی انتخابی مہم میں ان کا ساتھ دیں گے۔ ان کی کامیابی کے لیے دعا کرتے ہوئے وکلاء نے کہا کہ انشاءاللہ جیت ان کے قدم چومے گی اور یہ کامیابی بار کے تمام اراکین کے لیے ایک روشن مستقبل کی نوید ثابت ہوگی۔
انتخابات سے قبل ڈسٹرکٹ بار میں سیاسی سرگرمیاں تیز ہو گئی ہیں اور مختلف گروپس اپنے اپنے امیدواروں کے حق میں حمایت حاصل کرنے میں مصروف ہیں۔ بار کے اراکین کے مطابق اس سال کا انتخابی معرکہ انتہائی دلچسپ اور سخت مقابلے کی توقع رکھتا ہے۔
عبدالغنی کھوسہ کی حمایت کا اعلان ان کی مہم کے لیے ایک بڑی کامیابی تصور کی جا رہی ہے اور بھٹی لائرز گروپ کی شمولیت سے ان کی کامیابی کے امکانات روشن ہو گئے ہیں۔
