اسلام آباد(محمداویس)وفاقی دارالحکومت اسلام آباد میں بارش کے بعد فضاء صحت مند ہوگئی بارش سے زیریلے ذرات کی مقدار مقررہ حد سے کم ہوگئے ۔پی ایم ٹوپوائنٹ فائیو کی مقدار 10تک آگئی ہے بارش سے پہلے مسلسل زہریلی ذرات کی مقدار مقررہ مقدار سے ڈبل رہی جبکہ پاکستان انوائرمنٹل پروٹیکشن ایجنسی (پاک ای پی اے) نے فضائی آلودگی کو کم کرنے کے لیے کسی قسم کا اقدام نہیں اٹھایا ۔
جمعرات کو وفاقی دارالحکومت اسلام آباد اور راولپنڈی میں ہلکی بارش کے بعد فضائی آلودگی ختم ہوگئی اور جڑواں شہروں کی فضاء صحت مند ہوگئی ۔اور زہریلے ذرات جن کی مقدار 35سے زیادہ نہیں ہونی چاہیے ان کی مقدار 10تک آگئی بارش سے پہلے ان کی مقدار میں ڈبل سے بھی زیادہ اضافہ ہواتھا مگر پاک ای پی اے نے اس کوکم کرنے کے لیے کوئی اقدام نہیں کیا ۔
واضح رہے کہ راولپنڈی، اسلام آباد اور لاہور سمیت ملک کے مختلف شہروں میں بارش ہوئی ہے، بارش کے بعد موسم شدید سر د ہو گیا تو دوسری جانب سموگ میں بھی کمی ہوئی ہے،
بیجنگ یونیورسٹی کے سینٹر فار پروڈکٹیو میڈیسین کی معروف جریدے جرنل انوائرمینٹل انٹرنیشنل میں شائع ہونے والی تحقیق کے مطابق کی فضائی آلودگی سے مردوں اورخواتین دونوں میں بانجھ پن کاخطرہ نمایاں حدتک بڑھ جاتاہے طبی تحقیق کے دوران فضائی آلودگی سے آبادی کے لیے بڑھنے والے خطرات کاتجزیہ کیاگیا۔ ماہرین نے چین کے 18 ہزارجوڑوں کے اعدادوشمار کاتجزیہ کرنے پر دریافت ہواکہ ایسے علاقے جہاں چھوٹے ذرات کی آلودگی کی شرح زیادہ ہوتو ان علاقوں میں بانجھ پن کاخطرہ 20 فیصد تک بڑھ جاتاہے تحقیق میں یہ تعین نہیں کیاجاسکاکہ فضائی آلودگی کس طرح بانجھ پن کاباعث بن سکتی ہے مگر یہ پہلے سے معلوم ہے کہ آلودہ ذرات سے جسم میں ورم بڑھ جاتاہے جس سے مردوں ناورخواتین کاتولیدی نظام متاثر ہوسکتاہے۔رپورٹ کے مطابق بانجھ پن دنیا بھر میں لاکھوں جوڑوں کی زندگی کومتاثرکرتاہے مگر اس حوالے سے فضائی آلودگی کے اثرات پر اب تک کچھ خاص کام نہیں ہواہے۔فضائی آلودگی سے قبل ازوقت پیدائش اور پیدائش کے قت کم وزن جیسے مسائل کے خطرات بڑھ جاتے ہیں۔ماہرین صحت کا کہناہے کہ زہریلی ذرات PM2.5کی مقداراگر 35µg/m³سے بڑھ جائے تویہ انسانی صحت کے لیے انتہائی نقصان دہ ہوتے ہیں اس سے سانس کی بیماریوں میں اضافہ ہوتاہے اور خاص کردمہ کے مریضوں کوسانس لینے میں دشوار ی ہوتی ہے آنکھ ناک اورگلے میں سوزش،پھیپھڑوں کاکینسر، دل کی دھڑکن کی بے ترتیبی اورہارٹ اٹیک بھی ہوسکتاہے۔ماہرین نے ہدایت کی ہے کہ شہری گھروں سے باہرنکلتے وقت ماسک لازمی استعمال کریں۔غیرضروری طور پر گھروں سے باہر نہ نکلیں ۔(محمداویس)
