حالیہ پاک بھارت کشیدگی کے تناظر میں برطانیہ کے وزیر خارجہ ڈیوڈ لیمی رواں ہفتے ہنگامی دورے پر پاکستان پہنچیں گے۔
ذرائع کے مطابق اُن کی آمد 16 مئی بروز جمعہ متوقع ہے، جہاں وہ اسلام آباد میں پاکستانی قیادت سے اہم ملاقاتیں کریں گے۔ذرائع کا کہنا ہے کہ برطانوی وزیر خارجہ موجودہ علاقائی تناؤ پر پاکستانی حکام سے مشاورت کریں گے۔ باخبر ذرائع کے مطابق ڈیوڈ لیمی کشیدگی کے آغاز سے ہی مسلسل رابطے میں رہے اور متعدد بار پاکستانی قیادت سے ٹیلیفون پر بات چیت بھی کر چکے ہیں۔
اس دورے کو خطے میں جاری کشیدگی کے تناظر میں سفارتی سطح پر ایک اہم پیش رفت قرار دیا جا رہا ہے، جس کا مقصد صورتحال کو مزید بگڑنے سے روکنا اور فریقین کے درمیان بات چیت کے امکانات کو بڑھانا ہے۔
سندھ طاس معاہدے پر بھارت کے خطوط کا جواب دے دیا گیا ، پاکستان کا واضح مؤقف
جی سی سی اجلاس:محمد بن سلمان کا پاک بھارت جنگ بندی کا خیرمقدم
