ب فارم کیلئے دفتروں میں رش،موبائل وینیں چوہدریوں کے علاقوں میں

قصور
نادرا آفس میں ب فارم کے حصول کے لئے لمبی لائنیں، لوگوں کا کہنا ہے کہ گاؤں دیہات کی سطح پر موبائل وین بھیج کر لوگوں کو ب فارم بنوانے کی سہولت دی جائے تاکہ غریب مزدور بنا چھٹی کئے اپنی دیہاڑی لگائے اور گھروں میں موجود عورتیں ب فارم اپنے گاؤں میں ہی حاصل کر سکیں
نادرا موبائل وینیں چوہدریوں کے کہنے پر ان کے من پسند علاقوں میں بیجھی جاتی ہیں
تفصیلات کے مطابق گورنمنٹ کی جانب سے سرکاری سکولوں میں پڑھنے والے بچوں کیلئے ب فارم جمع کروانا لازمی قرار دیا گیا ہے جس کی صورت میں ان پڑھنے والے طالب علم بچے بچیوں کو وظیفہ ملے گا جس سے پڑھائی کے نظام میں بہت زیادہ بہتری آئے گی اس لئے نادرا آفس قصور میں لوگوں کی لمبی لمبی لائنیں قبل از ٹائم ہی لگ جاتی ہیں جس سے عام دنوں کی بدولت نادرا دفتر میں چار گنا رش بڑھ گیا ہے اس بابت لوگوں کا کہنا ہے کہ ہمیں اپنے گاؤں دیہات کی سطح پر موبائل وین بھیج کر ب فارم حاصل کرنے کی سہولت دی جائے تاکہ ہم دیہاڑی دار مرد اپنی دیہاڑی لگا سکیں اور گھر میں موجود عورتیں سارے کوائف کیساتھ نادرا موبائل وین سے بچوں کا ب فارم بنوا سکیں
لوگوں کا کہنا ہے کہ نادرا موبائل وین چوہدریوں کے کہنے پر ہی علاقوں میں بھیجی جاتی ہیں جو کہ غلط ہے ایسا نہیں ہونا چاہیے بلکہ نمبر واضع دیہات میں میرٹ پر وین کو بھیجا جائے