بھارت: طوفانی بارشوں کے بعد دریائے بیاس بپھر گیا، پل، گاڑیاں اور گھر بہا لے گیا،ریڈ الرٹ جاری

بھارتی ریاست ہماچل پردیش میں طوفانی بارشوں کے بعد دریائے بیاس بپھر گیا اور پل، گاڑیاں، گھر اور دیگر اشیاء اپنے ساتھ بہا لے گیا۔

باغی ٹی وی:بھارتی میڈیا کے مطابق ملک کی شمالی ریاستوں میں طوفانی بارشوں کے باعث گزشتہ دو روز کے دوران کم از کم 12 افراد ہلاک اور کئی زخمی ہو چکے ہیں جب کہ بھارتی محکمہ موسمیات نے نئی دلی، ہماچل پردیش، ہریانہ، اتراکھنڈ، راجستھان، پنجاب اور مقبوضہ کشمیر میں مزید طوفانی بارشوں کی پیش گوئی بھی کی ہے۔

Ravi River knocking down Bakan Bridge in Chamera

When it comes down to power , no one can beat the Himalayan Rivers

9th July 2023
Chamba , Himachal Pradesh pic.twitter.com/yjWurEmltf

— Weatherman Shubham (@shubhamtorres09) July 9, 2023

ریاست ہماچل پردیش میں طوفانی بارش، سیلابی صورتحال اور لینڈ سلائیڈنگ کے مختلف حادثات میں 5 افراد ہلاک ہوئے، ریاستی انتظامیہ نے ہماچل پردیش کے 7 اضلاع میں ایمرجنسی نافذ کر دی ہے، نشیبی علاقوں میں سیلاب اور پہاڑوں سے لینڈ سلائیڈنگ کی وارننگ بھی جاری کی گئی ہے۔

The general suggestion is to avoid travelling in the mountains during the rainy season.

📍#Beasriver #MandiKulluHighway #HimachalPradesh #India 🇮🇳 #TheHimalyanClub pic.twitter.com/yVIU3ZL9dt

— The Himalyan Club 🇮🇳 (@HimalyanClub) July 9, 2023

اتوار کو دیر رات کی جانے والی کارروائی میں نیشنل ڈیزاسٹر ریسپانس فورس (این ڈی آر ایف) نے چھ لوگوں کو بچایا جو منڈی ضلع کے ناگوین گاؤں کے قریب دریا کے پانی کی سطح میں اضافے کی وجہ سے پھنسے ہوئے تھے۔

Scariest video of today 🙏🏻🙏🏻

Manikaran Valley , Himachal Pradesh pic.twitter.com/V94IbsJVBD

— Weatherman Shubham (@shubhamtorres09) July 9, 2023

دریں اثنا، ہماچل پردیش میں اتوار کو طوفانی بارشوں کے نتیجے میں پانچ افراد اپنی جانوں سے ہاتھ دھو بیٹھے، بارشوں سے ہونے والی تباہ کن لینڈ سلائیڈنگ اور سیلاب کے نتیجے میں مکانات کو بڑے پیمانے پر نقصان پہنچا اور عام زندگی درہم برہم ہوگئی۔

कुछ शक्ति होगी इस देवभूमि में वरना इतनी देर में सभी बड़-बड़े लोहे के पुल तहस-नहस हो जाते हैं #devbhoomihimachal #Mandi #chhotikashi #Mahadev #beasriver #manali #Kullu #Monsoon2023 @TheRakshpati @VarshaSMahant @TusharSinghStan @DipenderM @Talk2AmarS pic.twitter.com/GN6R7hSgHL

— Ashish Azad/ आशीष आजाद (@aazad_patrkar) July 9, 2023

ریاست کے ایمرجنسی اینڈ آپریشن سینٹر کے مطابق گزشتہ 36 گھنٹوں کے دوران ہماچل پردیش کے 12 میں سے 10 اضلاع میں 204 ملی میٹر بارش ریکارڈ کی گئی، اس دوران لینڈ سلائیڈنگ کے 14 بڑے واقعات اور 13 مقامات پر سیلابی کیفیت رپورٹ ہوئی جبکہ ریاست میں 700 سڑکوں کو بند کر دیا گیا۔

Massive loss of life & property in Himachal Pradesh. Bad news coming from around the state every hour. May officials take Swift action to prevent further damage. Pray for #HimachalPradesh 🙏🏻 #Manali #Monsoon #BeasRiver #Mandi #Kullu #Monsoon2023 #teamHP #hennur #KJGeorge pic.twitter.com/f6afU9yVqH

— Bimaloan.net (@bimaloan0) July 9, 2023

سوشل میڈیا پر وائرل ویڈیوز میں دیکھا جا سکتا ہے کہ شدید بارشوں کے باعث ریاست ہماچل پردیش میں مختلف پلوں کو نقصان پہنچا اور دریائے بیاس کے قریب آبادیوں میں بھی پانی داخل ہو گیا مقامی حکام نے ہنگامی صورتحال پر فوری ردعمل ظاہر کرتے ہوئے عوام کی حفاظت کو یقینی بنانے کے لیے اسکولوں اور کالجوں کو اگلے دو دنوں کے لیے بند کرنے کا حکم دیا ہے راوی، بیاس، ستلج، سواں اور چناب سمیت خطے کے تمام بڑے دریاؤں میں پانی کی سطح بلند ہے۔

دوسری جانب بھارت کے محکمہ موسمیات نے انتہائی بارشوں کے لیے ایک نیا ریڈ الرٹ جاری کیا ہے، جس کے مطابق 10 سے 12 اضلاع میں 204 ملی میٹر سے زیادہ بارش متوقع ہے ریاستی حکومت نے احتیاطی اقدامات اٹھاتے ہوئے ریاست سے منسلک تمام سرکاری اور نجی اسکولوں اور کالجوں کو 10 جولائی سے 11 جولائی تک دو دن کے لیے عارضی طور پر بند کر دیا ہے۔