![homeopethic](https://baaghitv.com/wp-content/uploads/2023/06/hospital.jpg)
لاہور: پنجاب حکومت نے یکم جنوری سے پنجاب کے سرکاری اسپتالوں میں بیڈ شیٹس کا نیا نظام نافذ کرنے کا فیصلہ کیا ہے-
باغی ٹی وی :نگران وزیر پرائمری ہیلتھ پنجاب کے مطابق پنجاب کے ڈی ایچ کیو اسپتالوں میں یکم جنوری سے 3 رنگوں کی بیڈ شیٹس استعمال کی جائیں گی، ہر دن مختلف رنگ کی بیڈ شیٹ بچھائی جائے گی، تحصیل ہیڈکوارٹر اسپتالوں میں تھری کلر بیڈ شیٹس کا نظام 15 جنوری سے شروع ہوگاپ
نگران وزیر پرائمری ہیلتھ پنجاب جمال ناصر کے مطابق ایمرجنسی وارڈز کے لیے ڈسپوزیبل بیڈ شیٹس استعمال کی جائیں گی، سرکاری اسپتالوں میں بیڈ شیٹس روزانہ تبدیل کی جائیں گی، تحصیل ہیڈکوارٹر اسپتالوں میں ایکسرے رومز اور لیبارٹری رات کو بھی آپریشنل رہیں گی. انہوں نے ہدایت کی کہ سرکاری اسپتالوں کی ری ویمپنگ ایک ماہ میں مکمل کرلی جائے،تمام ایم ایس روزانہ ایک سے زیادہ مرتبہ اسپتال کا راؤنڈ کریں-