راولپنڈی میں سوتیلی بہن سے زیادتی اور سفاکانہ قتل کے جرم میں عدالت نے سوتیلے بھائی اظہر کو دو مرتبہ سزائے موت اور سات سال قید کی سزا سنائی ہے۔
باغی ٹی وی کے مطابق ایڈیشنل سیشن جج افشاں اعجاز صوفی نے مقدمے کا فیصلہ سناتے ہوئے قرار دیا کہ ملزم کو پھانسی دی جائے اور اسے اس وقت تک پھندے پر لٹکایا جائے جب تک اس کی موت واقع نہ ہو۔عدالتی فیصلے کے مطابق ملزم کو قتل کے جرم پر 2 لاکھ روپے جرمانہ، زیادتی پر 1 لاکھ روپے جرمانہ جبکہ شواہد مٹانے کے جرم میں 7 سال قید اور 1 لاکھ روپے جرمانہ بھی عائد کیا گیا ہے۔
پراسیکیوشن کے مطابق، مجرم اظہر نے اپنی سوتیلی بہن نمرہ کو پہلے زیادتی کا نشانہ بنایا، اور بعد ازاں انتہائی بے رحمی سے قتل کر دیا۔واضح رہے کہ یہ افسوسناک واقعہ تھانہ روات کے علاقے میں 25 اگست 2023 کو پیش آیا، جس کے بعد پولیس نے فوری مقدمہ درج کر کے ملزم کو گرفتار کیا۔عدالت کی جانب سے سزا سنائے جانے کے بعد مجرم کو جیل منتقل کر دیا گیا ہے۔
پاکستان میں خواتین پر تشدد ، ایک سال میں 5 ہزار سے زائد کیسز رپورٹ
قطر کا 400 ملین ڈالر کا تحفہ، پینٹاگون نے ٹرمپ کے لیے لگژری جیٹ قبول کر لیا
نکسل باغیوں کی آڑ،بھارتی فورسز نے چھتیس گڑھ میں مزید 36 افراد کوقتل کردیا
پنجاب اسمبلی میں سانحہ خضدار پر متفقہ مذمتی قرارداد سمیت 14 مسودہ قوانین منظور