برسلز(باغی ٹی وی)بیلجیم نے ای سگریٹ پر پابندی لگادی، ویپس پر پابندی لگانے والا پہلا یورپی ملک
بیلجیئم ڈسپوزایبل الیکٹرانک سگریٹس پر پابندی لگانے والا یورپ کا پہلا ملک بن گیا ہے۔ یہ فیصلہ نوجوانوں میں تمباکو نوشی کے رجحان کو روکنے کے لیے اٹھایا گیا ہے۔
بیلجیئم کے وزیر صحت فرینک وینڈن بروک کے مطابق ڈسپوزایبل ای سگریٹس نوجوانوں کو تمباکو نوشی کی طرف راغب کرنے کا ایک آسان ذریعہ بن چکے ہیں کیونکہ ان میں نیکوٹین کی موجودگی ہوتی ہے جو صحت کے لیے نقصان دہ ہے اور اس کا استعمال عادت بن جاتا ہے۔
وزیر صحت کا کہنا ہے کہ ہم نے ڈسپوزایبل ای سگریٹس پر اس لیے بھی پابندی عائد کی ہے کہ یہ قدم تمباکو نوشی چھوڑنے میں مدد کرنے کا ذریعہ بن سکتا ہے۔
بیلجیئم کی حکومت یورپی کمیشن سے مطالبہ کر رہی ہے کہ وہ تمباکو نوشی کی روک تھام کے لیے نئے اور سخت قوانین وضع کرے۔
ماہرین کا کہنا ہے کہ ڈسپوزایبل ای سگریٹس نوجوانوں کی صحت کے لیے ایک بڑا خطرہ ہیں۔ ان میں موجود مختلف ذائقے اور کم قیمت انہیں نوجوانوں کے لیے مزید کشش بناتی ہے۔
اس کے علاوہ، ڈسپوزایبل ای سگریٹس ماحولیات کے لیے بھی نقصان دہ ہیں کیونکہ ان کو پھینک دینے سے پلاسٹک آلودگی میں اضافہ ہوتا ہے۔
بیلجیئم کا یہ فیصلہ دیگر یورپی ممالک کے علاوہ باقی دنیا کےلیے ایک مثال قائم کرے گا اور وہ بھی اپنے ملک میں ڈسپوزایبل ای سگریٹس پر پابندی عائد کریں گے۔
