بیلجیئم کے دارالحکومت برسلز میں پیر کی صبح ایک شخص کو وزیرِ اعظم کے دفتر کے باہر سے چاقو کے ساتھ حراست میں لے لیا گیا۔ غیر ملکی میڈیا کی رپورٹس کے مطابق حراست میں لیا جانے والا شخص وزیرِ اعظم کے دفتر میں داخل ہونے کی کوشش کر رہا تھا۔
مقامی پولیس کے مطابق، مسلح شخص نے دفتر کے باہر سیکیورٹی پر مامور اہلکاروں سے تلخ کلامی کی اور انہیں دھمکیاں بھی دیں۔ پولیس نے بروقت کارروائی کرتے ہوئے اسے حراست میں لے لیا اور علاقے کو سیل کر دیا۔ ابتدائی طور پر اس شخص کے عزائم اور اس کے مقصد کے بارے میں معلومات حاصل نہیں ہو سکیں، تاہم اس واقعے کی تحقیقات جاری ہیں۔غیر ملکی میڈیا کے مطابق اس وقت وزیرِ اعظم الیگزینڈر ڈی کرو اپنے دفتر میں موجود نہیں تھے، وزیرِ اعظم نے بعد میں سوشل میڈیا پر فوج اور پولیس افسران کا شکریہ ادا کیا اور کہا کہ ان کی بروقت کارروائی کی بدولت ممکنہ سانحے کو روکا جا سکا۔
برسلز میں وزیرِ اعظم کے دفتر کے قریب کئی اہم دفاتر بھی واقع ہیں، جن میں یورپی یونین کے مختلف ادارے اور بیلجیئم کی حکومت کے دیگر دفاتر شامل ہیں۔ اس علاقے میں متعدد وزیروں کے دفاتر بھی وزیرِ اعظم کے دفتر کے قریب ہیں، جس کی وجہ سے یہ مقام سیکیورٹی کے لحاظ سے انتہائی حساس سمجھا جاتا ہے۔اس واقعے نے بیلجیئم کے دارالحکومت میں سیکیورٹی کی صورتحال پر سوالات اٹھا دیے ہیں، اور حکام کی جانب سے اس حوالے سے مزید تفتیش جاری ہے تاکہ اس واقعے کے پس پردہ وجوہات اور اس شخص کے عزائم کا پتا چلایا جا سکے۔
آئی سی سی چیمپئنز ٹرافی کے ابتدائی اسکواڈز کے اعلان کی آخری تاریخ
بھارتی دو اداکاراؤں کی عمر40 برس سے زیادہ ،شادی کیوں نہ کی
