پاکستان پیپلز پارٹی (پی پی پی) کی ترجمان شازیہ مری نے شہید محترمہ بے نظیر بھٹو کی 17ویں برسی کے موقع پر ایک ویڈیو پیغام جاری کرتے ہوئے ان کی قربانیوں اور جمہوریت کے لئے ان کی جدوجہد کو زبردست خراج عقیدت پیش کیا۔
شازیہ مری نے اپنے پیغام میں کہا کہ "شہید محترمہ بے نظیر بھٹو پاکستان کی وہ بیٹی تھیں جو کبھی ظلم کے سامنے نہیں جھکیں، ان کی بے پناہ قربانیوں اور جرات کو ہم ہمیشہ یاد رکھیں گے۔”انہوں نے کہا کہ شہید بے نظیر بھٹو نہ صرف پاکستان کی سیاسی تاریخ کا ایک اہم باب تھیں، بلکہ انہوں نے اپنی زندگی معاشرتی انصاف، جمہوریت اور خواتین کی حقوق کے لیے وقف کی۔ شازیہ مری نے مزید کہا کہ "وہ قوم کا دل، مظلوموں کی آواز اور کمزوروں کی طاقت تھیں۔”شازیہ مری نے کہا کہ شہید بے نظیر بھٹو کی روحانی موجودگی ہمارے درمیان ہمیشہ محسوس ہوتی ہے، اور وہ ہمیشہ ہمارے دلوں میں زندہ رہیں گی۔ انہوں نے کہا کہ "ہم گڑھی خدا بخش میں جمع ہو کر اس عہد کی تجدید کریں گے کہ ہم شہید محترمہ کے مشن کو جاری رکھیں گے۔”
شازیہ مری نے اس بات پر زور دیا کہ بلاول بھٹو زرداری شہید بے نظیر بھٹو کے افکار اور پاکستان کے لیے ان کے مشن کو آگے بڑھا رہے ہیں اور ان کی رہنمائی میں پیپلز پارٹی جمہوریت اور عوامی حقوق کے لیے لڑ رہی ہے۔”شہید محترمہ بے نظیر بھٹو نے ہمیں یہ سکھایا کہ ہر شہری کے حقوق کا تحفظ کیا جائے گا اور عوام کی طاقت ہی اصل طاقت ہے۔ ان کا وژن ہمارے لئے ایک مشعل راہ ہے جس پر ہم ہمیشہ عمل کریں گے۔”شازیہ مری نے محترمہ بے نظیر بھٹو کی شخصیت کو بیان کرتے ہوئے کہا کہ "محترمہ بے نظیر بھٹو ایک ماں تھیں جنہوں نے اپنے بچوں سے بے پناہ محبت کی، ایک بیٹی تھیں جنہوں نے اپنے والد کی میراث کا احترام کیا اور ایک عظیم لیڈر تھیں جنہوں نے اپنے لوگوں کے لیے اپنی جان قربان کی۔”
آخر میں شازیہ مری نے کہا کہ "شہید محترمہ بے نظیر بھٹو کا نظریہ زندہ ہے اور یہ ہمیشہ ہمارے لئے ایک رہنمائی کا ذریعہ رہے گا۔ ہم سب کا عہد ہے کہ ان کے وژن کی روشنی میں پاکستان کو روشن کریں گے اور ان کے خواب کو حقیقت بنائیں گے۔”
ہ بینظیر بھٹو کی میراث کو آگے بڑھانے کے لیے پرعزم ہیں.بلاول
سابق وزیراعظم بینظیر کی 17 ویں برسی، صدر مملکت کا پیغام
