ویلڈن پنجاب پولیس، بیوپاری سے 3 لاکھ کے قریب نقدی اور گاڑی لوٹنے والے ملزمان 24 گھنٹوں میں گرفتار
باغی ٹی وی کی رپورٹ کے مطابق تھانہ ڈھڈیال پولیس کی شاندار کارروائی، ایس ڈی پی او صد سرکل چکوال سید اظہر حسن کی سربراہی میں ڈکیتی کے ملزمان کو 24 گھنٹے کے اندر جدید ٹیکنالوجی کا استعمال کرتے ہوئے گرفتار کر لیا گیا ،
مورخہ 24.07.2020 ہرڑ چوک کے قریب ڈکیتی کی واردات میں 6 مسلح ملزمان نے ظہیر بابر ولد منیر حسین ساکن شیخوپورہ جو کہ ٹینڈوں کے بیوپاری ہیں ان سے اسلحہ کی نوک پر 290000 روپے نقدی اور موبائل فون کے علاوہ دیگر کاغذات چھین لئے اور XLi کار پر فرار ہوگئے
واردات کی اطلاع پر محمد بن اشرف ڈسٹرکٹ پولیس آفیسر چکوال نے فوری طور پر نوٹس لیتے ہوئے سید اظہر حسن SDPO صدر سرکل اور تصور حسین انسپکٹر SHO ڈھڈیال کو ملزمان کو فوری طور پر ٹریس کرکے گرفتار کرنے کا حکم دیا،سید اظہر حسن SDPO صدر سرکل فوری طور موقعہ پر پہنچ گئے اور ریڈنگ ٹیم تشکیل دی جنہوں نے 24 گھنٹے کی انتھک محنت کے بعد ملزمان کو ڈرامائی انداز میں گرفتار کر لیا اور ملزمان کو شناخت پریڈ کے لیے جوڈیشل بھجوایا جا رہا ہے
تمام ملزمان کی گرفتاری, مال مسروقہ کی برآمدگی اور واردات میں استعمال ہونے والی گاڑی اور موٹر سائکل کے پکڑے جانے پر ڈی پی او چکوال محمد بن اشرف نے ایس ڈی پی او چکوال سید اظہر حسن شاہ اور تمام ٹیم کی زبردست حکمت عملی اور کارکردگی کو نہ صرف سراہا ہے بلکہ تعریفی سرٹیفکیٹس کے علاوہ نقد انعام بھی دینے کا اعلان کیا ہے
جبکہ علاقہ کے عوامی حلقوں کی طرف سے بھی ایس ڈی پی او چکوال سید اظہر حسن شاہ اور ڈھڈیال پولیس کی اس واردات میں ملزمان کی فوری گرفتاری اور بہترین کارکردگی پر زبردست الفاظ میں خراج تحسین پیش کیا گیا ہے
