پاکستان کوسٹ گارڈز نے بڑی کارروائی کرتے ہوئے گوادر سے بیرون منشیات اسمگلنگ کا منصوبہ ناکام بنادیا، کارروائی میں 32 ملین ڈالر سے زائد مالیت کی منشیات پکڑ لی گئی۔
باغی ٹی وی: ترجمان پاکستان کوسٹ گارڈز کے مطابق خفیہ اطلاع پر گوادر سےبھاری مقدارمیں منشیات اسمگل کرنےکی کوشش ناکام بنادی ترجمان کے مطابق پاکستان کوسٹ گارڈز کو خفیہ ادارےسےاطلاع ملی تھی کہ گوادر (بلوچستان) سےبھاری مقدار میں منشیات اسمگل ہونے کا خدشہ ہے، جس پر ڈی جی پاکستان کوسٹ گارڈز نےمتعلقہ کمانڈر کو اپنےعلاقوں میں چیکنگ مزید سخت کرنےکے احکامات جاری کیے جس پر ایک تفصیلی منصوبہ تشکیل دیا گیا۔
عثمان بزدار کو گرفتار نہ کرنے کا سنگل بینچ کا حکم واپس
منصوبے کے مطابق 2 افسران سمیت 17 جوانوں پرمشتمل موبائل گشت کےلیےپارٹیاں تشکیل دی گئیں اس دوران گوادرکے جنرل ایریا کلڈان جھل کے مقام پر جھاڑیوں میں چھپائی گئی 1936 کلو گرام اعلیٰ معیار کی چرس برآمد کرلی گئی، جو بیرون ملک اسمگل کرنےکےلیے لائی گئی تھی برآمد کی جانے والی منشیات کی مالیت اربوں روپے (بین الاقوامی مارکیٹ میں تقریباً 32.3 ملین ڈالر) ہے۔
ڈائریکٹر جنرل پاکستان کوسٹ گارڈز نے جوانوں کی اعلیٰ کارکردگی کو سراہا۔