بیرون ممالک میں پھنسے پاکستانی صبر اور ہمت سے کام لیں صنم سیعد

پاکستان شوبز انڈسٹری کی معروف اداکارہ صنم سعید نے تھائی لینڈ میں پھنسے پاکستانی فنکاروں اور ان کی ٹیم کو واپس لانے پرحکومت کا تہہ دل سے شکریہ ادا کیا اور ساتھ ہی دوسرے ممالک میں پھنسے ہوئے لوگوں کو صبر اور ہمت کی ہدایت دیتے ہوئے کہا کہ وہ ہمت اورصبرسے کام لیں کیونکہ ان کی بھی مدد ہونے والی ہے

باغی ٹی وی : پاکستان شوبز انڈسٹری کی معروف اداکارہ صنم سعید نے کہا کہ حکومت اور ان تمام لوگوں کا شکریہ ادا کرتی ہوں جنہوں نے مجھ سمیت تھائی لینڈ میں پھنسے پاکستانیوں کو وطن واپس لانے میں ہرممکن کوشش کی انہوں نے دوسرے ممالک میں پھنسے ہوئے لوگوں کو صبر اور ہمت کی ہدایت دیتے ہوئے کہا کہ وہ ہمت اورصبرسے کام لیں کیونکہ ان کی بھی مدد ہونے والی ہے

اداکارہ نے کہا کہ دوست احباب، خاندان، میڈیا، حکومت، یونین ، تمام ادارے سب مل کر بیرون ممالک میں پھنسے پاکستانیوں کو حفاظت کے ساتھ واپس لانے میں مدد کررہے ہیں

صنم سعید نے ان لوگوں کو تسلی دیتے ہوئے کہا کہ وہ ان تمام لوگوں کواپنے وطن واپس آنے کے مرحلے سے متعلق آگاہ کریں گی تاکہ دوسرے محصورپاکستانی بھی تیاری کرسکیں اورپریشان نہ ہوں

واضح رہے کہ کورونا وائرس کی روک تھام کے پیش نظرپروازیں بند ہونے کے باعث بنکاک میں صنم سعید کے ساتھ ساتھ محب مرزا، سارہ لورین اورشمعون عباسی سمیت پوری ٹیم پھنسی ہوئی تھی جن کو رواں ماہ 14 اپریل کو خصوصی پرواز کے ذریعے وطن واپس لایا گیا

واضح رہے کہ اداکار محب مرزا اور شمعون عباسی نے حکومت سے اپیل کی تھی کہ انہیں تھائی لینڈ سے فوری پاکستان واپس لایا جائے کیوں کہ ان کے پاس اتنے وسائل موجود نہیں کہ وہاں مزید دن گزارے جاسکیں
https://baaghitv.com/actors-coming-from-thailand-asked-govt-to-inquery-the-probe-aout-corona-tests/https://baaghitv.com/hmarey-masley-ka-notice-wafaqi-wuzra-ny-bhi-ly-liya-hai/

تھائی لینڈ میں پھنسے پاکستانی فنکاروں کی اپنی ٹیم کے ہمراہ آج وطن واپسی