لاہور کے علاقے جوہر ٹاؤن پولیس نے کارروائی کرتے ہوئے کرکٹ میچز پر آن لائن جوا کروانے والے 3 ملزمان کو گرفتار کرلیا، جنہوں نے ایشیا کپ میں پاک-بھارت میچ پر بھی سٹے بازی کی تھی۔
پولیس ترجمان کے مطابق گرفتار ملزمان میں عمران، عماد اور اسلام شامل ہیں۔ ان کے قبضے سے 2 لیپ ٹاپ، 3 موبائل فونز اور ایک لاکھ روپے سے زائد رقم برآمد ہوئی ہے۔ایس پی صدر رانا حسین طاہر نے بتایا کہ ملزمان نہ صرف ایشیا کپ بلکہ انٹرنیشنل کرکٹ ورلڈکپ اور غیر ملکی لیگز کے میچز پر بھی جوا کرواتے تھے۔ وہ مختلف موبائل ایپ اکاؤنٹس کے ذریعے گروپ جوا چلاتے تھے۔
پولیس نے ملزمان کے خلاف مقدمہ درج کر کے مزید تفتیش شروع کر دی ہے، جبکہ ایس پی صدر نے کامیاب کارروائی پر ایس ایچ او جوہر ٹاؤن اور ٹیم کو شاباش دی۔
پاک-چین سرحد پر 68 روزہ دھرنا ختم، تجارتی و سیاحتی سرگرمیاں بحال
ڈنمارک کے فوجی اڈے پر نامعلوم ڈرونز کی پرواز، ’ہائبرڈ حملہ‘ قرار
رجب بٹ نے جنسی تعلقات پر مجبور کیا،ٹک ٹاکر فاطمہ خان
ٹرمپ انتظامیہ کی سپریم کورٹ سے پیدائشی شہریت پر نظرثانی کی اپیل
