بغیر اجازت انٹرویو شہریوں کی پرائیویسی میں دخل اندازی ہے،لاہور ہائیکورٹ

لاہور ہائیکورٹ نے زیرِ حراست ملزموں کے انٹرویوز سے روک دیا،کہا کہ بغیر اجازت انٹرویو شہریوں کی پرائیویسی میں دخل اندازی ہے-

باغی ٹی وی :لاہور ہائیکورٹ میں جسٹس علی ضیا باجوہ نے شہری وشال احمد شاکر کی درخواست پر سماعت کی جس کے بعد عدالت نے تحریری حکم نامے میں لکھاکہ بغیر اجازت انٹرویو شہریوں کی پرائیویسی میں دخل اندازی ہے،کسی غیر متعلقہ شخص کی جانب سے کسی بھی شخص کو جواب دینے پر مجبور نہیں کیا جاسکتا، یہ اجازت نہیں دی جاسکتی کہ کوئی کسی قانونی جواز کے بغیر مائیک اور کیمرے کے ذریعے کسی کی پرائیویسی متاثر کرے –

عدالت نے آئندہ سماعت پر ایڈووکیٹ جنرل پنجاب اور ایڈیشنل اٹارنی جنرل سے معاونت طلب کرلی اور پیمرا اور ایف آئی اےکو ذمہ دار افسروں کے ذریعے عمل درآمد رپورٹ پیش کرنے کا حکم دیتے ہوئے سماعت 20 دسمبر تک ملتوی کر دی۔

سفاکی کی انتہا، معصوم بچوں کے ٹکڑے کر کے سالن بنا کر دربار جا کر …

قبل ازیں ‏عمران خان کے خلاف جاری سائفر کیس کی کارروائی پر الیکرانک اور سوشل میڈیا پر پابندی عائد کردی گئی آفیشل سیکریٹ ایکٹ خصوصی عدالت نے بڑا حکم جاری کر دیا ، عدالتی کارروائی نشر کرنے پر آفیشل سیکرٹ کا قانون لاگو ہوگا، پیمرا اور پی ٹی اے کو ہدایات جاری کردی گئیں، عمران خان اور شاہ محمود قریشی کی فیملی کو کاروائی دیکھنے کی مشروط اجازت ہو گی کہ وہ عدالتی کاروائی کی کسی جگہ بیان نہیں کریں گے-

محسن نقوی نے گرین ہائیڈروجن پراجیکٹ کی اصولی منظوری دیدی

فیصلے میں کہا گیا کہ پرنٹ الیکٹرونک اور سوشل میڈیا پر کوئی کارروائی نشر نہیں ہو گی ، پیمرا اور پی ٹی اے کو اس حوالے سے ہدایات پر پابندی کی ہدایت کی جاتی ہے ، اگر کوئی بھی خلاف ورزی ہوئی تو اس پر آفیشل سیکریٹ ایکٹ کے تحت کارروائی ہو گی ، پیمرا اور پی ٹی اے کو عدالتی حکم کی کاپی فراہم کی جائے تاکہ آئندہ خلاف ورزی نہ ہو –

سائفر کیس، الیکٹرانک، پرنٹ، سوشل میڈیا پر خبر دینے پر پابندی