بھارت میں کورونا کی صورتحال سے نمٹنے کے لئے عالیہ بھٹ بھی متحرک

0
28

بالی ووڈ کی معروف اداکارہ عالیہ بھٹ بھی ملک میں کورونا وائرس کی تشویشناک صورتحال پر پریشان ہوگئیں اداکارہ نے سوشل میڈیا کے ذریعے کورونا وائرس کی وبا کے دوران وسائل کو یکجا کرنے کے منصوبے پر کام کا آغاز کر دیا-

باغی ٹی وی :اپنے تصدیق شدہ انسٹاگرام پر عالیہ بھٹ نے ایک پیغام جاری کیا جس میں انھوں نے لکھا کہ ’یہ ایک غیریقینی کی صورتحال ہے، انفرااسٹرکچر اور معلومات وقت کی ضرورت ہیں۔

عالیہ کا کہنا تھا کہ اس وقت ہم انفرااسٹرکچر سے متعلق ہماری کام کرنے کی صلاحیت پر بات کی جائے تو پھر ہم بہت محدود ہیں، لیکن پھر بھی ہم متعلقہ معلومات اور اس کی توثیق سے متعلق کام کر سکتے ہیں۔

انہوں نے بتایا کہ وہ اس وقت فایا ڈی سوزا کے ساتھ کام کر رہی ہیں، جو معلومات کی توثیق سے متعلق ہماری مدد کر رہی ہیں۔

اداکارہ نے لکھا کہ ہم دونوں اپنی تمام تر صلاحیتوں کو بروئے کار لاتے ہوئے اس کام کو بڑھائیں گے، اور امید ہے کہ اس سے آپ لوگوں کی مدد ہوگی۔

Leave a reply