فجر کی نماز کے لئے اٹھنے پر تکرار کیوں کی؟ بھائی نے بہن کی جان لے لی
![crime](https://baaghitv.com/wp-content/uploads/2024/06/edhi-crime-scene-jpg.webp)
فجر کی نماز کے لئے اٹھنے پر تکرار کیوں کی؟ بھائی نے بہن کی جان لے لی
واقعہ خیبر پختونخواہ کے ضلع نوشہرہ کے علاقے حکیم آباد میں پیش آیا،بھائی نے فجر کی نماز کے لئے بہن کو اٹھایا بہن نہ اٹھی اور بحث شروع کر دی، بھائی کو غصہ آیا، بہن کو گولی ماری اور موقع سے فرار ہو گیا، واقعہ کا مقدمہ بدقسمت والد کی مدعیت میں درج کیا گیا ہے
تافغان مہاجر میوہ گل نے درج مقدمہ میں کہا کہ میں دیگر اہلخانہ کے ہمراہ گھر میں موجود تھا، میری بیٹی اسما سمیت سب اپنے اپنے کمروں میں سو رہے تھے، بیٹا حمزہ صبح کی نماز کے لیے اسما کو اٹھانےگیا جس پر دونوں میں بحث وتکرارہوئی،اسی دورا حمزہ نے طیش میں آکر اپنی بہن اسما کو فائرنگ کرکے قتل کیا اور موقع سے بھاگ گیا،پولیس نے مقدمہ درج کے ملزم کی تلاش شروع کر دی ہے، پولیس کا کہنا ہے کہ ملزم کو جلد گرفتار کر لیا جائے گا
دوسری جانب واقعہ کا ڈی پی او نے نوٹس لے لیا اور متعلقہ حکام کو ملزم کو فوری گرفتاری کی ہدایت کی، مقامی علما کرام نے بھی واقعہ کی مذمت کی ہےاور کہا کہ دین میں شدت پسندی نہیں ہے،بالغ پر نماز فرض ہے لیکن دین یہ نہیں کہتا کہ نماز کے لیے نہ اٹھنے پر قتل کر دیا جائے،