بھکر کی تحصیل دریا خان میں خاتون کے ساتھ اجتماعی زیادتی،پولیس کا موقف سامنے آگیا

پنجاب کے شہر بھکر کی تحصیل دریا خان میں خاتون کو پانچ افراد نے مبینہ اجتماعی زیادتی کا نشانہ بنا یا ہے۔متاثرہ خاتون کا کہنا ہے کہ ملزم لڑکے کے گھر لے جانے کے بجائے جنگل لے گیا، اور ساتھیوں سمیت زیادتی کی

بھکر: پولیس کا کہنا ہے دریاخان مبینہ اجتماعی زیادتی کیس میں تمام پہلوؤں کو مدنظر رکھ رہے ہیں،مبینہ متاثرہ خاتون نے اس سے قبل جھنگ میں بھی ایک مقدمہ درج کروا رکھا ہے، مقدمہ کے اندارج کے بعد واقعہ کی تحقیقات میں تمام پہلوؤں کو مد نظر رکھا جارہا ہے،تھانہ منیکرہ میں پہلے سے درج مقدمہ نامعلوم خواتین کےخلاف زیادتی کیس کے ملزمان نے درج کروا رکھا ہے،

تھانہ منکیرہ میں درج مقدمہ کے مدعی کے مطابق علاقہ کوریہ میں گھر بُلا کے اُن پر تشدد کیا گیا ،
مقدمہ میں دو نامعلوم خواتین بھی شامل ہیں مدعی کے مطابق اُن سے بارہ لاکھ روپے کی رقم چھینی گئ،اجتماعی زیادتی کے مقدمہ کے انداج کے بعد ان تمام پہلوؤں کو مد نظر رکھا جا رہا ہے،
جھنگ کی رہائشی خاتون نے تین نامزد ملزمان پر اجتماعی زیادتی کا الزام عائد کیا تھا،

خاتون کے مطابق ملزمان نے بیٹی کا رشتہ دیکھنے کے لیئے بلایا اور اجتماعی زیادتی کا نشانہ بنایا،
خاتون کی درخوست پر تھانہ دریاخان پولیس نے مقدمہ درج کر کے تحقیقات کا آغاز کر دیا ہے،