سعد فاروق
وزیراعظم شہباز شریف نے دعویٰ کیا ہے کہ پاکستان نے بھارت کے 3 نہیں بلکہ 4 رافیل طیارے مار گرائے، اور 10 مئی کو 1971ء کی جنگ کا بدلہ لیا۔
باغی ٹی وی کے مطابق وزیراعظم نے سینئر صحافیوں سے غیر رسمی گفتگو میں کہا کہ بھارت نے پہلگام واقعے کی تحقیقات کی پیشکش قبول کرنے کے بجائے پاکستان پر حملہ کیا۔پاکستان نے بھارت کے 6 طیارے مار گرائے جن میں 4 رافیل شامل تھے۔ہم نے 10 مئی کو بھارت سے 1971 کا حساب چکا دیا۔ اب بھارت دوبارہ حملہ نہیں کرے گا۔
شہباز شریف نے کہا کہ پاکستان نے بھارت کو پہلگام واقعے کی غیر جانبدار تحقیقات کی پیشکش کی، مگر بھارت نے تحقیقات کے بجائے جارحیت کا راستہ اپنایا۔ ان کا کہنا تھا کہ بھارتی رویے نے کئی ممالک کو پاکستان کے مؤقف پر نیوٹرل کر دیا۔ پاکستان قومی سلامتی کے مشیروں کی ملاقات کے لیے تیار ہے۔پانی، دہشتگردی اور تجارت جیسے معاملات پر بھارت سے بات چیت کرنا چاہتا ہےلیکن کشمیر کے بغیر بھارت سے مذاکرات آگے نہیں بڑھ سکتے۔
انہوں نے مزید کہا کہ مودی کے شکست خوردہ بیانات کا جواب دینا ہم مناسب نہیں سمجھتے۔بجٹ سے متعلق آئی ایم ایف سے بات چیت کامیاب ہوچکی ہے۔حکومت نے معاشی استحکام حاصل کرلیا ہے، اب اگلا ہدف معاشی ترقی ہے۔
تجزیہ کاروں کے مطابق وزیراعظم کے اس بیان سے واضح ہے کہ حکومت دفاع، سفارت کاری اور معیشت تینوں محاذوں پر فعال اور پراعتماد پالیسی اپنا رہی ہے۔
عید کے کپڑے نہ ملے، 3 جانیں چلی گئیں؛ بھوک سے بزرگ خاتون جاں بحق
عمر ایوب کے خلاف اثاثے چھپانے کا ریفرنس 4 جون کو سماعت کے لیے مقرر
کراچی ڈیفنس تشدد کیس: متاثرہ نوجوان اور خاندان گھر چھوڑ کر چلے گئے
