بھارت میں خواتین سے اجتماعی زیادتی کے واقعات میں اضافہ،ایک اور نرس اجتماعی زیادتی کا نشانہ بن گئی-
باغی ٹی وی : بھارتی میڈیا کے مطابق بھارت کی شمالی ریاست اتر پردیش میں ایک نرس سے اجتماعی زیادتی کا انتہائی دل سوز واقعہ رونما ہوا ہےنرس کو یرغمال بناکر اُس سے اجتماعی زیادتی کی گئی اور اس کے بعد اس کے نازک حصوں میں پسی ہوئی مرچ اور لکڑی کے ذریعے بھی تشدد کیا گیا جس سے اُس کی حالت نازک ہوگئی۔
پولیس نے جان چُھڑانے کے لیے یہ بیان دیا کہ اس نرس کا کسی مرد سے افیئر چل رہا تھا اُس شخص نے اپنے اہلِ خانہ کے ساتھ مل کر اُس پر تشدد کیا،جبکہ نرس کے اہلِ خانہ کا کہنا ہے کہ اس گھناؤنے واقعے میں 6 افراد ملوث تھےچار افراد نے نرس کو جکڑ کر رکھا اور دو افراد نے اُس سے زیادتی کی، پولیس نے نرس کے بیان پرمقدمہ درج کرلیا ہے۔
بھارتی میڈیا کے مطابق نرس کے شوہر نے بتایا کہ وہ چُرکھی پولیس اسٹیشن کی حدود میں واقع ایک اسپتال میں اسٹاف نرس کے طور پر کام کرتی ہے وہ اپنے اسکوٹر پر جمعرات کی صبح ڈیوٹی پر جارہی تھی کہ چند افراد نے اُس پر حملہ کیا اور جکڑ کر جھاڑیوں میں لے گئے ایک شخص نے اپنے بھتیجے اور چند ساتھیوں کی مدد سے اُس کی بیوی پر تشدد کیا پولیس نے نرس کو طبی معائنے اور علاج کے لیے اسپتال بھیجا ہے۔
