سعد فاروق
پاکستان پیپلز پارٹی کے چیئرمین بلاول بھٹو زرداری نے کہا ہے کہ بھارت نے پانی کو ہتھیار کے طور پر استعمال کر کے دریائے سندھو پر حملہ کیا ہے، اور اقوام متحدہ میں یہ پیغام دیں گے کہ جب تک کشمیر کا مسئلہ حل نہیں ہوتا، خطے میں امن ممکن نہیں۔
باغی ٹی وی کے مطابق سابق وزیر خارجہ بلاول بھٹو اقوام متحدہ میں پاکستان کا مؤقف اجاگر کرنے کے لیے نیو یارک پہنچے، جہاں انہوں نے سوشل میڈیا پلیٹ فارم ’ایکس‘ پر اپنے پیغام میں کہا کہ "اقوام متحدہ میں پاکستان کی آواز بنوں گا، بھارت جب تک مسلمانوں پر تشدد اور دہشتگردی کو ہتھیار بنائے رکھے گا، امن قائم نہیں ہوسکتا۔” بھارت نے پانی کو سیاسی دباؤ کے لیے استعمال کرتے ہوئے سندھو طاس معاہدے کی خلاف ورزی کی، جو پاکستان پر حملے کے مترادف ہے، اور اس سنگین مسئلے کو عالمی سطح پر اٹھایا جائے گا۔
بلاول بھٹو نے کہا کہ پاکستان خود دہشتگردی سے سب سے زیادہ متاثر ملک ہے، اور ہر قسم کی دہشتگردی کی مخالفت کرتا ہے، لیکن اگر کوئی ہمسایہ ملک دہشتگردی کو ہتھیار بنائے، تو پھر امن قائم نہیں ہو سکتا۔چیئرمین پیپلز پارٹی نے دنیا کو پیغام دیا کہ پاکستان امن کا داعی ہے، مگر یہ امن عزت و برابری کی بنیاد پر ہونا چاہیے۔
واضح رہے کہ اقوام متحدہ میں بلاول بھٹو کی موجودگی کے دوران توقع کی جا رہی ہے کہ وہ کشمیر، دہشتگردی، اور آبی تنازعات جیسے اہم مسائل پر پاکستان کا سخت اور واضح مؤقف عالمی برادری کے سامنے رکھیں گے۔
عید کے کپڑے نہ ملے، 3 جانیں چلی گئیں؛ بھوک سے بزرگ خاتون جاں بحق
بلوچستان پاکستان سے الگ نہیں ہو سکتا، دہشتگردی بھارت اسپانسر کر رہا ہے، ڈی جی آئی ایس پی آر
عمر ایوب کے خلاف اثاثے چھپانے کا ریفرنس 4 جون کو سماعت کے لیے مقرر
کراچی ڈیفنس تشدد کیس: متاثرہ نوجوان اور خاندان گھر چھوڑ کر چلے گئے
