نئی دہلی : بھارتی خفیہ ایجنسی را Research & Analysis Wing مودی کے سائے میں رہتے ہوئے کرائے کے غنڈوں اور قاتلوں کا گروہ بن گئی ہے،امریکا میں سکھ رہنما کے قتل میں بھی بھارتی ایجنٹ ملوث نکلے-
تفصیلات کے مطابق بھارت میں ہونے والی سرکاری تفتیش کے مطابق امریکا میں سکھ رہنما کے قتل میں بھی بھارتی ایجنٹ ملوث نکلے جن کا تعلق بھارت کی خفیہ ایجنسی را سے تھا،بھارتی خفیہ ایجنسی را کے ان ایجنٹوں کی براہ راست سربراہی نریندر مودی کے ہاتھوں میں ہےبھارت اب اپنے بھونڈے طریقے پکڑے جانے پر ان قاتل ایجنٹوں کو Rogue ایجنٹ قرار دیکر سرکاری سرپرستی پر پردہ ڈالنا چاہتا ہے-۔
بھارت کی جانب سے اس سازش کا اقرار دنیا میں کی گئی قتل کی وارداتوں سے پردہ اٹھا رہا ہے جبکہ خفیہ ایجنسی را ہندوتوا نظریے پر عمل پیرا ہوکر شدت پسندی کی نئی مثالیں بھی قائم کررہی ہے۔
میاں چنوں میں 23 سالہ لڑکی سے اجتماعی زیادتی،مقدمہ درج
امریکی سکھ لیڈر گرپتونت سنگھ پنوں کی بھارتی ایجنٹوں کے ذریعے قتل کی سازش کا انکشاف گزشتہ سال نومبر میں ہوا،امریکی حکومت نے بھارت سے مطالبہ کیا ہے کہ وہ سکھ رہنما کے قتل میں ملوث ذمہ داروں کے خلاف سخت کاروائی کرے، امریکا کے حکام کا یہ بھی کہنا تھا کہ بھارتی خفیہ ایجنٹ مذکورہ سکھ لیڈر کو قتل کرنا چاہتے تھے کیونکہ،مذکورہ سکھ لیڈر بھارتی حکومت اور نریندر مودی کی شدت پسند پالیسیوں کا سخت ترین ناقد ہے-
