وفاقی آئینی عدالت نے پاکستانی ٹی وی چینلز پر بھارتی مواد نشر کرنے کے حوالے سے کیس کی سماعت غیر معینہ مدت تک ملتوی کر دی
چیف جسٹس جسٹس امین الدین خان کی سربراہی میں تین رکنی بینچ نے کیس کی سماعت کی اور فریقین کو نوٹس جاری کیے،یاد رہے کہ 2016 میں پاکستان الیکٹرانک میڈیا ریگولیٹری اتھارٹی (پیمرا) نے ایک اجلاس میں فیصلہ کیا تھا کہ پاکستانی چینلز پر بھارتی مواد نشر نہیں کیا جائے گا۔ تاہم، لائسنس کی ابتدائی شرائط کے تحت چینلز کو 10 فیصد بھارتی مواد نشر کرنے کی اجازت دی گئی تھی،2017 میں جسٹس منصور علی شاہ نے لاہور ہائیکورٹ کے چیف جسٹس کی حیثیت سے پیمرا کا یہ نوٹیفکیشن معطل کر دیا تھا، جس کے بعد یہ معاملہ آئینی عدالت میں زیر سماعت ہے۔
