لاہور: پاکستان کرکٹ بورڈ (پی سی بی) کے چیئرمین اور وزیر داخلہ محسن نقوی نے دبئی میں آئی سی سی چیمپیئنز ٹرافی 2025 کے میچز کے لیے لگژری باکس ٹھکرا دیا۔
باغی ٹی وی: یو اے ای کرکٹ بورڈ نے محسن نقوی کے لیے آئی سی سی چیمپیئنز ٹرافی 2025 کے میچز کے لیے 4 لاکھ ڈالر (تقریباً 11 کروڑ 18 لاکھ پاکستانی روپے) کا 30 سیٹوں والاوی آئی پی ہاسپیٹلٹی باکس مختص کیا تھا لیکن چیئرمین پی سی بی نے وی آئی پی باکس کے بجائے کرکٹ کے عام شائقین کے درمیان بیٹھ کر ٹورنامنٹ سے لطف اندوز ہونے کا انتخاب کیا اور پریمیئم نشستوں کے ٹکٹس فروخت کرنے اور جنرل سٹینڈز کے ماحول میں شامل ہونے کا فیصلہ کیا ہے۔
چیئرمین پی سی بی کے اس فیصلے کو سراہا جارہا ہے یہاں تک کہ بھارتی میڈیا بھی ان کی تعریف کرنے پر مجبور ہوگیا ہے، جو عوام کے ساتھ جڑے رہنے اور اشرافیہ کی مراعات کو مسترد کرنے کے ان کے عزم کو ظاہر کرتا ہےمحسن نقوی کے اس اقدام کو کرکٹ کی دنیا میں ایک شائستہ اور قابل تعریف اقدام کے طور پر دیکھا جا رہا ہے۔
لاہور سےدبئی جانیوالے پی آئی اے طیارے کی ہنگامی لینڈنگ
واضح رہے کہ پاکستان کی میزبانی میں آئی سی سی چیمپئنز ٹرافی 2025 پاکستان اور متحدہ عرب امارات میں منعقد ہونے والی ہےپہلا میچ دفاعی چیمپئن پاکستان اور نیوزی لینڈ کے درمیان 19 فروری کو کراچی میں کھیلا جائے گابھارت اپنے ٹورنامنٹ کے تمام میچ دبئی میں کھیلے گا، جس میں 23 فروری کو پاکستان کے خلاف انتہائی ہائی ولٹیج ٹاکرا بھی شامل ہے۔
ازبکستان میں پاکستانیوں پر ملازمت کے حصول پر عائد پابندی ختم ،اہم ہدایات جاری