قصور
بڑھتی ہوئی وارداتوں کے پیش نظر تھانہ صدر کی چوکی کھارا نے گشت بڑھا دیا ،صبح سے رات تک موٹرسائیکلوں، کاروں کی جامع تلاشی مکمل جانچ پڑتال کے بعد جانے دیا جا رہا ہے جبکہ بغیر نمبر پلیٹ گاڑیوں کو بند جا رہا ہے،گشت سے وارداتوں میں نمایا کمی ہوئی شہریوں کا مؤقف
تفصیلات کے مطابق بڑھتی ہوئی وارداتوں کے پیش نظر ڈی پی او قصور کے حکم پر تھانہ صدر قصور کی چوکی کھارا کے انچارج محمد مشتاق نے گشت کا دائرہ کار بڑھا دیا ہے کل سارا دن اور رات مختلف مقامات پر ناکے لگا کر موٹر سائیکلوں اور گاڑیوں کی جامع تلاشی کی گئی جبکہ بغیر نمبر پلیٹ گاڑیوں موٹر سائیکلوں کو بند کیا گیا
گشت پر شہریوں نے اظہار اطمینان کیا اور مطالبہ کیا کہ گشت کا سلسلہ جاری رہنا چائیے جبکہ محمد مشتاق چوکی انچارج نے کہا کہ گشت کا سلسلہ جاری رہے گا اور بغیر تفریق کے بغیر نمبر پلیٹ گاڑیوں کو بند کیا جائے گا نیز کسی بھی مسئلے کی صورت میں میں عوام کے لئے حاضر ہوں لوگ بلا تفریق شکایات کے لئے میرے پاس تشریف لائیں میں میرٹ پر فیصلے کرونگا
بڑھتی وارداتوں کے پیش نظر کھارا چوکی نے گشت بڑھا دیا
