مصیبت سے چھٹکارا پانے میں صدقہ و خیرات اہم کردار ادا کرتا ہے، حسن انعام پراچہ

بھیرہ وزیر اعلی شکایت سیل سرگود ھا ڈویژن کے چیئر مین حسن انعام پراچہ نے کہا ہے کہ مصیبت سے چھٹکارا پانے میں صدقہ و خیرات اہم کردار ادا کرتا ہے۔ مخیر حضرات کا فرض ہے کہ وہ مصیبت کی اس گھڑی میں مستحقین کی امداد کرتے ہوئے ان کی عزت نفس کا بھی خیال رکھیں۔ انہوں نے کہا کہ پراچہ خاندان اس مشکل وقت میں اپنے عوام کے ساتھ اور ان کی ہر ممکن مدد کرنے پر کمر بستہ ہے۔ ویلفیئر کونسل تحصیل بھیرہ کے صدر چوہدری خالد محمود آرائیں نے بتایا کہ حسن انعام پراچہ کی طرف سے علاقہ میں لاک ڈاؤن سے متاثرہ سینکڑوں خاندانوں کو ان کے گھروں میں راشن پہنچایا جا چکا ہے اور یہ سلسلہ جاری رہے گا۔ فلاحی تنظیموں او ر مخیر حضرات کو چاہیے کہ وہ اکٹھ کر کے غربا کی مدد کرنے کی بجائے صرف اللہ کی رضا کے لیے خاموشی سے مستحق افراد کی مدد کریں۔