ہائی کورٹ نے وجیہہ سواتی قتل کیس میں امریکی ڈاکٹر کا بیان ریکارڈ کرنیکا حکم دے دیا۔

تفصیلات کے مطابق پاکستانی نژاد امریکی خاتون وجیہہ سواتی قتل کیس کا بڑا فیصلہ دیتے ہوئے ہائیکورٹ راولپنڈی بنچ نے امریکہ میں پوسٹ مارٹم کرنے والے امریکی ڈاکٹر کا بیان ریکارڈ کرنیکا حکم دے دیا۔ڈسٹرکٹ ہیڈ کوارٹراسپتال راولپنڈی ڈاکٹرز نے پوسٹ مارٹم میں وجہ قتل نہیں بتائی تھی۔

عدالت نے کہا کہ امریکی ڈاکٹرنے نعش کی امریکی فرانزک لیب میں پوسٹ مارٹم میں وجہ موت بھی تحریر کی۔ہائیکورٹ نے ایڈیشنل سیشن جج افضل مجوکہ کو امریکی ڈاکٹر کا امریکہ سے وڈیو لنک پر بیان ریکارڈ کرنیکا حکم دیا۔

شبنم نواز ایڈووکیٹ نے عدالت کو بتایا کہ امریکی ڈاکٹرانتھونی ولسن وڈیو لنک بیان ریکارڈ کرانے پر تیار ہیں۔فیصلہ ہائی کورٹ راولپنڈی بنچ کے جج چودہری عبدالعزیز نے سنایا۔ عدالت نے ملزمان کی امریکی ڈاکٹر کا بیان ریکارڈ نا کرانے کی استدعا مسترد کی۔

یاد رہے کہ اس سے پہلے پاکستانی نژاد امریکی خاتون وجیہہ سواتی کے اغوا اور قتل کیس میں نیا موڑ آ گیا ہے، ان کے پہلے شوہر کے قتل کے کیس کی فائل 7 برس بعد دوبارہ کھول دی گئی تھی

بلوچستان ہاکی ایسوسی ایشن کے چیف سلیکٹر سمیت 4 حکام ٹریفک حادثے میں جاں بحق

تفصیلات کے مطابق وجہیہ سواتی کے 7 سال قبل قتل ہونے والے پہلے شوہر کی بند فائل دوبارہ کھل گئی، ڈاکٹر مہدی علی کو چنیوٹ کے علاقے چناب نگر میں 2014 میں قتل کیا گیا تھا۔

چنیوٹ پولیس نے وجیہہ سواتی کے قتل کیس میں گرفتار ان کے دوسرے شوہر رضوان حبیب سے تحقیقات کا فیصلہ کر لیا ہے، اس سلسلے میں چنیوٹ پولیس نے راولپنڈی پولیس سے رابطے کے بعد مقامی عدالت میں ملزم حوالگی و سفری ریمانڈ کی درخواست کی تھی۔

کراچی: پولیس کی جرائم پیشہ افرادکے خلاف کامیاب کارروائیاں،متعدد گرفتار،بھاری اسلحہ…

چنیوٹ پولیس نے قانونی تقاضوں کے بعد سینٹرل جیل اڈیالہ سے ملزم رضوان حبیب، جو وجیہہ سواتی کے قتل کا اعتراف کر چکا ہے، کو اپنی تحویل میں لے لیا، اب اس سے ڈاکٹر مہدی علی کے قتل سے متعلق تفتیش کی جائے گی۔

ذرائع کے مطابق وجیہہ سواتی کے پہلے شوہر کے قتل کے الزام میں مرکزی ملزم رضوان حبیب کو باقاعدہ طور پر گرفتار کیا گیا ہے، ملزم کو کل جسمانی ریمانڈ کے لیے چنیوٹ کی عدالت میں پیش کیا جائے گا۔

ہندو برادری اپنا مذہبی تہوار دیوالی انتہائی جوش و جذبے کیساتھ منایا:

پاکستانی نژاد امریکی شہری وجیہہ سواتی اپنے سابق شوہر رضوان حبیب سے جائیداد کا معاملہ حل کرنے پاکستان آئی تھیں۔ وجیہہ کے سابق شوہر نے انہیں قتل کرنے کا اعتراف کرتے ہوئے بتایا تھا کہ اس نے اپنی سابقہ اہلیہ کو پاکستان پہنچتے ہی اغوا کیا تھا اورقتل کرکے لاش ڈیرہ اسماعیل خان کے علاقے لکی مروت میں دفنائی تھی۔

Shares: