بھارتی ریاست بہار میں پاکستان کے حق میں نعرہ لگانے پر 5 افراد کو گرفتارکرلیا گیا۔
باغی ٹی وی :حال ہی میں بہار کے بھوجپور میں کئی نوجوانوں کی پاکستان کے حق میں نعرے لگانے کی ایک ویڈیو سوشل میڈیا پر وائرل ہوئی۔ مبینہ طور پر یہ واقعہ چنڈی گاؤں میں پیش آیا جہاں بیڈمنٹن میچ میں اپنی جیت کا جشن منانے والے لوگوں کےایک گروپ نے ’پاکستان زندہ باد‘ کے نعرے لگائے۔
بھارتی اسٹیٹ بینک سے چوروں نے سرنگ کھود کر کروڑوں روپے مالیت کا سونا چرا لیا
بھوجپور کے سپرنٹنڈنٹ آف پولیس (ایس پی) سنجے کمار سنگھ نے کہا کہ پاکستان کے حق میں نعرے لگانے والے تمام افراد کی شناخت کے بعد ایف آئی آر درج کی جائے گی انہوں نے مزید کہا کہ اب تک ایک مقامی گارڈ (چوکیدار) کے بیان کی بنیاد پر محمد ارمان، محمد تنویر، کالو اور سونو نامی پانچ افراد کو گرفتار کیا گیا ہے۔
https://twitter.com/Asheesh17604450/status/1606190481146273793?s=20&t=wTI-t-U0m8b0wCE92KB-yQ
بھارتی میڈیا کے مطابق کوئلاوار بلاک کے چنڈی کے نربیر پور ٹولہ میں بیڈمنٹن ٹورنامنٹ ہو رہا تھا۔ بدھ کی رات فائنل میچ میں کوئلاور کا مقابلہ چندی سے ہوا۔ کئی پنچایت نمائندوں اور کوئیلاوار بلاک کے لیڈروں نے بھی ٹورنامنٹ میں شرکت کی ایک گروپ نے بیڈمنٹن مقابلے میں جیت کے بعد پاکستان زندہ باد کے نعرے لگائے-
بھارتی اداکارہ کی دھمکیوں سے تنگ فیملی نے زہر کھا لیا، ویڈیو وائرل
پولیس اس طرح کے نعرے لگانے میں ملوث دیگر افراد کو پکڑنے کے لیے ویڈیو کی تحقیقات کر رہی ہے۔
https://twitter.com/deepakjagranara/status/1606181493880934400?s=20&t=K67P3FTkrFcNuhXfAUPo9A
واقعے کے حوالے سے ایک اور ویڈیو بھی وائرل ہوئی ہے جس میں 40 سے 50 افراد کا ہجوم پاکستان کے حق میں نعرے لگانے پر نوجوانوں کو پکڑتا ہوا نظر آرہا ہے۔ بھیڑ نے ملزم نوجوانوں کو ہندوستان زندہ باد اور پاکستان مخالف نعرے لگانے پر بھی مجبور کیا۔
