بلاول بھٹو سے امریکی ناظم الامور کی ملاقات، دو طرفہ تعلقات پر تبادلہ خیال

پاکستان پیپلز پارٹی کے چیئرمین بلاول بھٹو زرداری سے امریکی ناظم الامور نٹالی بیکر نے زرداری ہاؤس اسلام آباد میں ملاقات کی. رہنماؤں کے درمیان پاک امریکا دو طرفہ تعلقات کے فروغ، تجارتی تعاون اور علاقائی امن پر بات چیت ہوئی۔

باغی ٹی وی کے مطابق دونوں رہنماؤں کے درمیان پاک امریکا دو طرفہ تعلقات کے فروغ، تجارتی تعاون اور علاقائی امن پر بات چیت ہوئی۔ ملاقات کے دوران بلاول بھٹو زرداری نے نٹالی بیکر سے گفتگو کرتے ہوئے کہا کہ پاک بھارت جنگ بندی معاہدے میں سابق امریکی صدر ڈونلڈ ٹرمپ کا کردار قابل تحسین ہے۔ انہوں نے کہا کہ پاکستان امریکا کے ساتھ تجارتی تعلقات کو مزید وسعت دینا چاہتا ہے تاکہ باہمی معاشی ترقی کو فروغ دیا جا سکے۔

چیئرمین پیپلز پارٹی کا مزید کہنا تھا کہ پاکستان خطے میں پائیدار امن اور تنازعات کے حل کے لیے امریکا کے ساتھ کھڑا ہے، اور دونوں ممالک کے درمیان تعاون عالمی سطح پر استحکام کا باعث بن سکتا ہے۔واضح رہے اس وقت اس ملاقات کو دونوں ممالک کے درمیان سفارتی تعلقات کی مضبوطی کے حوالے سے اہم پیشرفت قرار دیا جا رہا ہے۔

امریکا کا کردار تھا، مگر جنگ بندی براہ راست طے پائی: بھارتی وزیر خارجہ

امریکا: سی آئی اے ہیڈکوارٹرز کے باہر مشتبہ شخص پر فائرنگ، داخلی راستہ بند

مودی جی خالی تقریریں بند کریں، قوم کو جواب دیں، راہول گاندھی

گوگل کروم اور فائرفاکس کے ذریعے سائبر حملے کا خدشہ، ایڈوائزری جاری