بلاول بینظیر بھٹو کے مشن کو آگے بڑھا رہے ہیں،فریال تالپور

پی پی پی شعبہ خواتین کی مرکزی صدر و رکنِ سندھ اسمبلی فریال تالپور نےسانحہ کارساز کی برسی پر پیغام میں کہا ہے کہ سانحہ کارساز کے شہداء کو خراج عقیدت پیش کرتی ہوں، ان کی قربانی لازوال ہے، آج کا دن ہمیں یاد دلاتا ہے کہ جمہوریت کی خاطر پیپلز پارٹی کی قیادت و کارکنان نے کتنی بڑی قربانیاں دی ہیں

فریال تالپور کا کہنا تھا کہ شہید محترمہ بینظیر بھٹو کے کارواں کو آمریت اور دہشتگردی کا گٹھ جوڑ روکنے میں ناکام ہوا، چیئرمین بلاول بھٹو زرداری شہید محترمہ بینظیر بھٹو کے مشن کو آگے بڑھا رہے ہیں،صدر مملکت آصف علی زرداری، شہید محترمہ بینظیر بھٹو کی سوچ کے امین ہیں، پاکستان پیپلز پارٹی کا ہر جیالہ سانحہ کارساز کے شہداء کے کاز کا محافظ ہے،آج حیدرآباد کا عظیم الشان جلسہ عام ثابت کرے گا کہ پیپلز پارٹی کا اپنے شہداء اور ان کے مشن سے وابستگی بے مثال ہے،آئیے! آج یہ عہد کریں کہ ہم ملک میں جمہوریت کو مضبوط اور رواداری و مساوات کو فروغ دیں گے

کارساز حملہ ایک سوچی سمجھی سازش تھی،بلاول

میرپورخاص: سانحہ کارساز کے شہداء کو خراج عقیدت، ریلی اور شمعیں روشن

پاکستان کوسیاسی، معاشی اور جمہوری طاقت بنائیں گے،بلاول