پیپلز پارٹی چیئرمین بلاول بھٹو زرداری کے خلاف نازیبا الفاظ استعمال کرنے کی ویڈیو وائرل ہونے کا معاملہ سامنے آیا
حیدرآباد میں نازیبا زبان استعمال کرنے والے نامعلوم شخص کے خلاف مقدمہ درج کر لیا گیا،مقدمہ ہٹڑی تھانے میں سپاف کے رہنما اظہر تالپور کی درخواست پر درج کیا گیا،بتایا گیا کہ لیاقت یونیورسٹی اسپتال کے انٹری ٹیسٹ کے دوران نامعلوم شخص گارڈ کے ہمراہ آیا، فریادی پر تشدد کیا اور بلاول بھٹو کے خلاف غیر اخلاقی زبان استعمال کی،ایف آئی آر درج کر لی گئی
درخواست گزار اظہرالدین ولد صدرالدین تالپر، جو کہ پاکستان پیپلز پارٹی کی سیاف اسٹوڈنٹ یونٹ کے عہدیدار ہیں، نے پولیس کو دی گئی درخواست میں مؤقف اختیار کیا کہ 14 دسمبر 2025 کو لیاقت یونیورسٹی آف ہیلتھ سائنسز کے پیرا میڈیکل انٹری ٹیسٹ کے موقع پر سٹی لان کے باہر پارٹی کی جانب سے نئے آنے والے طلبہ کی خوش آمدید کے لیے جھنڈے اور پینافلیکس نصب کیے گئے تھے۔فریادی کے مطابق انٹری ٹیسٹ ختم ہونے کے بعد جب وہ اپنے ساتھیوں عبدالغفار کاتیار اور سجاد چنہ کے ہمراہ باہر آئے تو دیکھا کہ رش کے باعث پارٹی کے جھنڈے زمین پر گر گئے تھے۔ جب وہ جھنڈے اٹھا رہے تھے تو اسی دوران ایک کالے رنگ کی ویگو گاڑی (رجسٹریشن نمبر KR-4533) موقع پر آ کر رکی، جس میں ایک نامعلوم شخص اور اس کے دو گارڈز سوار تھے۔درخواست میں کہا گیا ہے کہ مذکورہ نامعلوم شخص نے فریادی اور اس کے ساتھیوں کو گالیاں دیں، دھمکیاں دیں، پارٹی کے جھنڈے اور پینافلیکس زبردستی اٹھا کر گاڑی میں رکھ لیے اور پارٹی چیئرمین کے خلاف بھی غیر اخلاقی زبان استعمال کی، جس کے بعد گاڑی ہالہ ناکہ کی طرف روانہ ہو گئی۔واقعے کے بعد متاثرہ افراد نے پرامن احتجاج کیا اور بعد ازاں تھانہ ہنری میں رپورٹ درج کروائی۔ پولیس نے مقدمہ نمبر 403/2025 زیر دفعات 506/2، 504، 337-AI تعزیراتِ پاکستان کے تحت درج کر کے تفتیش شروع کر دی ہے۔
