بلاول کی بڑی خواہش رہے گی ادھوری، حکومت نے بڑا فیصلہ کر لیا

بلاول کی بڑی خواہش رہے گی ادھوری، حکومت نے بڑا فیصلہ کر لیا

باغی ٹی وی کی رپورٹ کے مطابق بے نظیر کی برسی کے موقع پر پیپلز پارٹی کو لیاقت باغ میں جلسے کی اجازت نہیں دی گئی، ڈی سی راولپنڈی کا کہنا ہے کہ سیکیورٹی خدشات کے پیش نظرجلسےکی اجازت نہیں دے سکتے،

دوسری جانب پیپلز پارٹی نے لیاقت باغ میں جلسہ کے لئے تیاریاں جاری کی ہوئی ہیں، پیللز پارٹی کے چیئرمین بلاول زرداری کا کہنا ہے کہ ہم پنڈی آ کر جلسہ کریں گے، رائیونڈ اور پشاور میں منعقدہ جلسہ سے خطاب کرتے ہوئے انہوں نے کہا کہ لیاقت باغ میں بے نظیر بھٹو کو شہید کیا گیا اب ہم دوبارہ پنڈی آ رہے ہیں.

قبل ازیں بلاول زرداری نے پریس کانفرنس کرتے ہوئے کہا تھا کہ ہمیں شہید بینظیر بھٹو کی برسی منانے کے لیے اجازت بھی نہیں دی جا رہی اور ریل گاڑی کی بکنگ کے حوالے سے روکا جا رہا ہے۔ آمرانہ طرز عمل سے حکومت چلائی جا رہی ہے۔

سینیٹر روبینہ خالد کا کہنا ہے کہ پیپلز پارٹی ۲۷دسمبر کو لیاقت باغ میں ہر صورت میں جلسہ کرے گی لیاقت باغ ایک عوامی جگہ ہے جس پر جلسہ کرنا ہرپارٹی کا سیاسی قانونی اور آیئنی حق ہے