بشام حملے میں ملوث دہشت گردوں کے تانے بانے افغانستان سے ملتے ہیں، دفتر خارجہ

اسلام آباد: ترجمان دفتر خارجہ نے کہا ہے کہ ہم افغانستان کے بے بنیاد الزامات کو مسترد کرتے ہیں ، بشام حملے میں ملوث دہشت گردوں کے تانے بانے افغانستان سے ملتے ہیں ۔

باغی ٹی وی: ہفتہ وار میڈیا بریفنگ دیتے ہوئے ترجمان دفتر خارجہ ممتاز زہرا بلوچ نے کہا کہ آئی ایس پی آر نے اپنے بیان میں واضح کہا کہ پاکستان میں دہشتگردی میں افغان باشندے ملوث ہیں ، ہم افغان انتظامیہ سے توقع کرتے ہیں کہ وہ ان دہشت گرد گروہوں و افراد کے خلاف کارروائی کریں ۔

انہوں نے کہا کہ افغان انتظامیہ افغانستان کی سرزمین پر دہشت گردوں کی محفوظ پناہ گاہوں کا خاتمہ کرے ہم افغانستان کے بے بنیاد الزامات کو مسترد کرتے ہیں ، بشام حملے میں ملوث دہشت گردوں کے تانے بانے افغانستان سے ملتے ہیں جب ہمارے قانون نافذ کرنے والے اداروں سے تفصیلی انٹیلی جنس ڈیٹا موصول ہو گا ہم معاملے کو افغانستان کے ساتھ اٹھائیں گے دفتر خارجہ کے علاوہ افغانستان سے رابطے کے دیگر چینلز بشمول سکیورٹی ڈومین میں بھی موجود ہیں ۔

اسپتال کی نا اہلی کے باعث خاتون کو بچے کی پیدائش پر کروڑوں روپے مل …

پاکستانی عازمین حج کی پروازیں سعودی عرب پہنچنا شروع

جوس کی فروخت میں کمی پر جوس کونسل کے وفد کی وزیر سے ملاقات